pelestinning dahisi-yasir erafat

پەلەستىننىڭ داھىسى-ياسىر ئەرافات


ئەرافاتنىڭ تۇلۇق ئىسمى-مۇھەممەد ئابدۇرەھمان ئابدۇرەئۇف ئەل قۇدۋا ئەل ھۇسەيىن ئەرافات.
مۇھەممەد ئابدۇرەھمان ئوزىنىڭ، ئابدۇرەئۇف دادىسىنىڭ، ئەرافات چوڭ دادىسىنىڭ ئىسمىدۇر.
ئەرافات 1929-يىلى 8-ئاينىڭ 24-كۇنى مىسىرنىڭ قاھىرە شەھرىدە پەلەستىنلىك بىر كۆچمەن ئائىلىسىدە دۇنياغا كەلگەن(بەزىلەر ئۇنى قۇددۇستا تۇغۇلدى دەپمۇ يېزىشىدۇ).
ئەرافات قاھىرە ئۇنىۋىرسىتىتىدا ئوقۇۋاتقان يىللىرىدا 1948-يىلى ئەرەب-ئىسرائىلىيە ئۇرۇشىغا، 1949-يىلى غەززە ئۇرۇشىغا قاتناشقان.
1952-1956-يىللىرى ئارىسىدا ئوقۇغۇچىلار ئۇيۇشمىسى رەئىسى بولدى.
«ياسىر» دىگەن ئىسمىنى مۇشۇ يىللاردا ئىشلەتكەن.
ئەرافات پارتىزانلىق ئۇرۇشىغا قاتناشقاندىن باشلاپ «ئەبۇ ئاممار» تەخەللۇسىنى قوللانغان.
ياسىر ئەرافات 1957-يىلى قۇرۇلۇش ئىنژىنىرى سۇپىتى بىلەن كۇۋەيىتكە كەلگەن.
ئەرافات كۇۋەيتتە 1958-يىلى «ئەل پەتىھ»(پەلەستىن ئازاتلىق تەشكىلاتى)نى قۇرغان.
لىكىن ھىچ بىر ئەرەب دۆلىتىنىڭ قوللىشىغا ئىرىشەلمىگەن.
ئەرافات پەلەستىن خەلقىگە دۇنيانىڭ دىققىتىنى جەلپ قىلىش ئۇچۇن قۇراللىق كۇرەش قىلىشقا باشلىغان.
1964-يىلى ئىئوردانىيەگە كۆچۇپ كەلگەن.
ئىئوردانىيەدىن ئسرائىلىيەگە قارشى قوراللىق ھۇجۇملارنى قوزغىغان.
شۇنىڭ بىلەن پەلەستىن ئازاتلىقى ئۇچۇن كۇرەش قىلغۇچى بارلىق پائالىيەتچىلەر ئىئوردانىيەگە كىلىشكە باشلىغان.
ئىئوردانىيەنىڭ پادىشاھى ھۈسەيىن دۆلەت بىخەتەرلىكىنى كوزدە تۇتۇپ، 1969-يىلى ئەرافاتنى باش مىنىستىرلىققا تەكلىپ قىلغان. لىكىن ئەرافات «مۇستەقىل پەلەستىن» غايىسى ئۇچۇن بۇ تەكلىپنى رەت قىلغان.

1970-يىلى 9-ئاينىڭ 15-كۇنى ئەرافاتنىڭ ئەسكەرلىرى دۇنيانىڭ بىر قانچە نوقتىسىدىن ئىئوردانىيەنىڭ پايتەختى ئۇممانغا 50 كىلومىتىر يىقىنلىقتىكى داۋسۇن ئايرىدۇرۇمىدىن بەش ئايرۇپىلاننى بۇلىغان ۋە يولۇچىلارنى چۈشۈرۋىتىپ ئايرۇپىلانلارنىڭ ھەممىسىگە ئوت قۇيىۋەتكەن.
بۇنىڭ بىلەن ياسىر ئەرافات بىرلەشكەن دۆلەتلەر تەشكىلاتى ۋە ئامىرىكا باشلىق غەرب دۆلەتلىرى تەرىپىدىن «خەلقئارالىق تېرورچى» دەپ ئىلان قىلىنغان.

1970-يىلى يىل ئاخىرىدا ئىئوردانىيە ئارمىيىسى ئەرافاتنىڭ 20 مىڭ كىشىلىك ئارمىيەسىگە تۇيۇقسىز ھۇجۇم قىلىپ قاخشاتقۇچ زەربە بەرگەن.
بۇ ئۇرۇشتا ئەرافاتنىڭ ئىككى مىڭدىن ئارتۇق ئەسكىرى ئۆلگەن. بەش مىڭدىن ئارتۇق ئەسكىرى يارىلانغان.
ئۇ قالغان ئەسكىرىي كۇچلىرىنى ئىلىپ لىۋانغا قىچىپ كەلدى.
شۇنداق قىلىپ ھاياتىدىكى ئەڭ زور ئەسكىرىي زەربە ئۆز مىللىتى بولغان ئەرەبلەردىن كەلگەن.

1972-يىلى ئەراپات رەھبەرلىكىدىكى پەلەستىن كۈچلىرى ئاۋىستىرىيەنىڭ ۋىينا شەھرىگە كىتىۋاتقان بىر يولۇچىلار ئايرۇپىلانىنى گۆرۈگە ئىلىپ، ئسرائىلىيەنىڭ لۇد شەھرىگە قوندۇرغان ۋە 24 نەپەر يولۇچىنى ئۆلتۇرگەن.
نەتىجىدە بارلىق غەرب دۆلەتلىرىدە ئەرافاتنى تۇتۇش بۇيرۇقى چىقىرىلغان.

1972-يىلى 9-ئايدا گىرمانىيەنىڭ مىيۇنخىن شەھرىدە ئۆتكۈزۈلىۋاتقان ئولىمپىك يىغىنىدا ئەرافاتنىڭ ئادەملىرى 11 نەپەر ئسرائىلىيەلىك تەنھەركەتچىنى ئەسىرگە ئېلىپ ھەممىسىنى ئۆلتۇرۇۋەتكەن. بۇ ۋەقە تارىختا «قارا سىنتەبىر» نامى بىلەن مەشھۇر.
1982-يىلى لىۋان ئسرائىلىيە تەرىپىدىن ئىشغال قىلىنغاندىن كېيىن ئەرافات تۇنىسقا يەرلەشكەن.
1988-يىلى 11-ئاينىڭ 15-كۇنى ئەرافات «پەلەستىن دۆلىتى» قۇرۇلغانلىغىنى جاكالىغان ۋە دۆلەت رەئىسى بولۇپ سايلانغان.

1990-يىلىدىكى بىرىنچى قىتىملىق پارس قولتۇقى ئۇرۇشىدا سادام ھۈسەيىننى قوللىغان.
بىرىنچى قىتىملىق پارس قولتۇقى ئۇرۇشى ئىراقنىڭ مەغلۇبىيىتى بىلەن ئاخىرلاشقاندىن كىيىن، ئەرافات مۆتىدىل سىياسەت قوللۇنۇپ، ئامىرىكا، ئىئوردانىيە قاتارلىق دۆلەتلەرنىڭ ۋاستىچىلىقىدا ئىسرائىلىيە بىلەن تىنچلىق سۆھبىتىنى باشلىغان.
1993-يىلى ئەراپات ئىسرائىلىيەنىڭ شۇ چاغدىكى باش مىنىستىرى ئىساك رابىن بىلەن «ئوسلۇ تىنچلىق كىلىشىمى»نى ئىمزالاپ، دەسلەپكى قەدەمدە ئىوردان دەرياسىنىڭ غەربىي بىلەن غەززەدە پەلەستىن ئاپتونومىيە ھۆكۈمىتى قۇرۇش ھوقۇقىنى قولغا كەلتۈرگەن.
1994-يىلى 7-ئاينىڭ 1-كۇنى ئايرىلغىنىغا يىگىرمە يەتتە يىل بولغان پەلەستىن زىمىنىغا قايتىپ كېلىپ، پەلەستىن ئاپتونومىيە ھۆكۈمىتىنى قۇرغان ۋە ئاپتونومىيە ھۆكۈمىتىنىڭ رەئىسى بولغان.
1994-يىلى 10-ئاينىڭ 14-كۈنى پەلەستىن مەسىلىسىنى تىنچ يول بىلەن قىلىش ئۈچۈن زوراۋانلىقتىن ۋاز كېچىپ، سىياسىي سۆھبەت يولىنى تاللىغانلىقى ۋە ئىسرائىلىيە بىلەن دەسلەپكى قەدەمدە كىلىشىم ھاسىل قىلىپ، ئوتتۇرا شەرق رايونىدا تىنچلىقنىڭ ئەمەلگە ئىشىشىغا تىگىشلىك تۆھپە قوشقانلىقى ئۈچۈن، ئىسرائىلىيە باش مىنىستىرى ئىساك رابىن ۋە ئىسرائىلىيە تاشقى ئىشلار مىنىستىرى شىمون پىرىس بىلەن بىللە «نوبىل تىنچلىق مۇكاپاتى»غا ئىرىشكەن.
2004-يىلى 11-ئاينىڭ 11-كۇنى 75 يىشىدا پارىژ شەھىرىنىڭ ئەتراپىدىكى بىر ھەربىي دوختۇرخانىدا ۋاپات بولغان.

ياسىر ئەرافات ئۆزىنىڭ پەلەستىن ئۈچۈن ئېلىپ بارغان كۆرەش تارىخىدا، بىر «خەلقارالىق تېرورچى»دىن پەلەستىن ئىشلىرىنىڭ دۇنيادىكى قانۇنلۇق ۋەكىلىگە، ئاندىن «نوبىل تىنچلىق مۇكاپاتى»نىڭ ساھىبىغا ئايلانغان.
ياسىر ئەرافات بۇگۇنمۇ ئازاتلىق ئۈچۈن كۆرەش قىلىۋاتقان خەلقلەرنىڭ نەزەرىدە بىر بۈيۈك قەھرىمان بولۇپ، ئۇلارنىڭ ئىشلىرى ئۈچۈن ئىلھام ۋە جاسارەت مەنبەسى بولماقتا.

*************************

تولۇق ئوقۇش

mehmud abbas hamasqa qandaq qaraydu?

Pelestin dölet re'isi mehmud abbas hamasqa qandaq qaraydu?


Posted 13.02.2009 07:36:46 UTC
Updated 13.02.2009 07:36:46 UTC

Türkiye awazi radi'osi:

Isra'iliyining ghezzege qaratqan hujumining arqa körünüshi
Pelestinning nöwettiki weziyiti we pelestin dölet re'isi mehmud abbasning hamasqa bolghan qarishi

Insaniyet tarixining mundaq bir özgermes qanunyiti bar.
U bolsimu, deslipide urush partlaydu, kéyin urushning keltürüp chiqarghan éghir aqiwetliri héchkimni aramida qoymighanliqtin, uning üstide bash qaturulup, «qandaq qilinsa bir yerge kélip xatirjem yashiyalaymiz» digen so'algha bar küchi bilen jawap tépishqa tirishilidu.
Bashqiche qilip éytqanda, deslipide bundaq dehshetlik insaniyet tragédiysini keltürüp chiqarghan insan, kéyin yene shu tragédiyidin kélip chiqqan xaniweyranchiliqni tüzitishke mejbur bolidu.

Töwendiki bayanlarmu buning shundaqliqini nahayiti roshen halda ispatlap turuptu:

Pelestin dölet re'isi mehmud abbas, tinchliq berpa qilish basquchidiki nöwettiki eng muhim bolghan ottura sherq we rayonning omumiy ehwali mesiliside öz –ara pikir almashturush meqsitide bir nechche kün ilgiri enqerege yétip kelgenidi.
Isra'iliye – hamas otturisidiki urushtin kéyinla élip bérilghan bu qétimqi ziyaret jeryanida mehmud abbas aldi bilen tayyip erdoghan, arqidin abdulla gül we türkiye büyük millet mejlisi (türkiye parlaménti) bashliqi köksal toptan bilen ayrim – ayrim körüshti.
Ikki tereplik körüshüshlerde, türkiye tekitlep kéliwatqan, bolupmu jumhur re'isi abdulla gülning éytqinidek, «pelestinde tunji bolup qilishqa tigishlik eng muhim ish bolsa, aldi bilen ghezzediki barliq émbargularning derhal békar qilinishi, pelestin xelqige qilin'ghan insanperwerlik yardem buyumlirini téz sür'ette tégishlik jaygha yetküzüsh we ghezzening umumi eslihelirining qaytidin berpa qilinishidur».
Bu mesilige qarita türkiye teshebbus qiliwatqan yene bashqa bir qarishi bolsa - islam dunyasining pelestin mesilide ittipaqliq we barawerlik asasida heriket qilishidur.

Pelestin dölet re'isining enqerege qilghan ziyariti heqqide bir qisim zhornalstilar öz köz qarishini bildürdi,
Bularning biri «milliyet géziti»ning zhornalisti pikret bilaning, mehmud abbasning ziyaritidin kéyin, qelemge alghan maqalisi bolup, bu maqalige birlikte köz yügürtüp baqayli:
Zhornalsit «abbasning neziride hamas rakéta bombiliri» serlewhisi astidiki maqalsida mundaq deydu:
«pelestin dölet re'isi mehmud abbas, bir qisim zhornalsitlar we ijtima'iy teshkilatlirining wekilliri sheripige ötküzülgen kechlik ziyapette öz köz qarishini bildürüp, sorighan su'allirimizgha jawap berdi.
Mehmud abbasning bergen jawabliridin, «pelestin meslisining aldi bilen hamas bilen el petih otturisida hel qilinishi tolimu zörür iken» digen tesiratqa ige boldum.
Manga, el petih bilen hamasning bir yerge kélishi, isra'iliye bilen pelestinning bir yerge kélishidinmu müshküldek tuyulup ketti.
Mehmud abbasning ipadisidin, ghezzde yüz bergen insaniyet tragédiyisidin hamasning jawabkar ikenliki chiqipla turatti.

MEhmud abbas «yeni» dep sözini mundaq dawamlashturdi: «ejeba qarshiliq körstish bir qanche tal kargha kelmeydighan rakéta bombiliridin ibaretmidu?
Hamas isra'iliyige qanche minglighan rakéta bombisi atqan boldi. Isra'iliye tereptin 3 kishi öldi, buning ichide ölgenlerning ikkisi pelestinlik.
Qarshiliq körsitish mushundaq bolamdu?
Bu kargha kélemdu?
Her kim qarshiliq körsitish yolini talliyalaydu, emma, hem siyasetchi hemde qarshiliq körsetküchi bolush mumkin bolmaydighan bir ish»

Buningdin shuni köriwélishqa boliduki, mehmud abbas, hamasning rakéta bombilirini hergizmu qarshiliq körsitish qatardin hésaplimaydiken,
Hamasni «ya siyasetchi yaki qarshiliq körsetküchi bol, ikki yolning birini talla» dewatidu,

Mehmud abbas bolsa hamasning mundaq ikki xataliqi üstide toxtaldi:
«hamasning birinchi xataliqi: hamas, urush toxtitish kélshimnamisning mudditi toshqanda uzartishi kérek idi, lékin hamas undaq qilmidi.
Hamasning ikkinchi xataliqi bolsa: hamas démokratiyini bir qétimliqla ish dep oylidi we özining shu oyi boyiche heriket qildi. Ikkinchi qétim saylam élip bérishni qobul qilmay turuwaldi.
Men deymenki, bizge oxshash bölünüp kétishtek éghir mesilinimu démokratiye arqiliq hel qilghili bolatti».

Mehmud abbas, hamas heqqide buningliq bilenla boldi qilmaydiken.
U yene hamasni qattiq eyipleydiken.
Abbasning nezide bu bir xataliq bolmastin, belki kishining tolimu ghezipini keltüridighan bir ish iken.

Abbas bu heqte munularni bildürdi: «urush partlashtin burun, biz hej qiliwatattuq. Ghezzede 2500 kishi hej ibaditige teyyarlan'ghan idi. Misirmu aptuwozlarni teq qilip qoyghanidi. Biz ularni saqlawatattuq. Hamas bu insanlarning hejge bérishigha ruxset qilmidi. Hetta ulargha oq atti.
Shuning bilen, islam tarixida üch qétim hej qilish tosalghugha uchrighan boldi.
Tunji qétimliqi, peyghember eleyhissalam hej ibaditi üchün mekkige bérishqa hazirliq qilghan bolsimu, biraq, mekkilikler buninggha tosqunchiliq qilghan.
Ikkinchisi, öz waqtidiki hakimiyet bishidikler kebini taqatquzwetken.
Üchinchisi bolsa, hamas teripidin tosqunluqqa uchrighan, bu bolsa islam dunyasida kishini tolimu ghezeplendüridighan bir xil qilmishtur».

Mehmud abbas, aldimizdiki qisqighiche waqit ichide saylam élip bérishni oylaydiken, hemde bu arqiliq bir milliy hökümet qurup chiqishni teshebbus qilidiken. Bu hökümetning pelestinde hem dölet bashliqliq hemde parlamént ezasi qatarliqlarni saylap chiqishqa türtkilik rol oynaydighanliqigha ishinidiken,
«eger- dep sözini mundaq dawam qildurdi mehmud abbas, - saylamda hamas utup chiqsa, qollaymiz, saylam sanduqidin qandaq netijide chiqsa, biz uninggha chin könglimizdin hörmet bildürimiz».

Mehmud abbas, hamas saylamda utup chiqqan teqdirde, hamasqa barliq hoquqni qosh qollap ötküzüp biridighanliqini tekitlidi.
Abbas, «ghezzege eng axirqi qétim qachan bardingiz, nawada aldimizda ghezzege bérip qalsingiz hazir bizge dégen geplerni u yerdimu déyelemsiz? Déyeligen teqdirde qandaq mu'amilige duch kélisiz?» dégen so'algha,
«ghezzege barmaymen» dep jawab berdi.
«u yerde herbiy özgirish boldi» dédi abbas.

Abbas bu yerde «herbiy özgirish boldi» dégen sözide hamasning el petihning ezalirini tutqun qilishini közde tutmaqchi.
Abbas eng axirqi qétim ghezzege 2007- yili éyun éyida béripitu.
Abbasning qol asitidikilerdin biri bir xelq rayini sinashtin élin'ghan melumatni biz bilen ortaqlashti.
Uning éytishiche, ghezze xelqi abbasni qollaydiken,
Abbasning saylam élip bérishta ching turuwélishi del shu xelq rayini sinashtin élin'ghan melumatqa tayan'ghanliqidin dérek béridu.
«ghezzede élip bérilghan xelq rayini sinash jedwilige asaslan'ghanda,
Xelqning 62 pirsenti abbasning dawamliq hoquq béshida turushini xalaydiken.
71 pirsenti bolsa erep layihisini qollaydiken.
82 pirsenti milliy ittipaqliqni chin könglidin xalaydiken.
Peqetla 7 pirsenti, hamasning ghelbe qilghanliqini oylaydiken».

Ejeba, «mehmud abbas, bash ministir rejep tayyip erdoghanning hamasni qollaydighan ibarilerni ishlitishidin bi'aram boliwatamdighandu?» dégen su'alning jawabi:
«undaq emes».
Mehmud abbas, «erdoghanning hamasni qollap quwwetlishidin bi'aram bolmaywatidu. Hamasmu pelestin xelqining bir qismigha wekillik qiliwatidu. Biz abdulla gül aliyliri bilen tayyip erdoghan aliylirining pelestin xelqige barawer mu'amile qilghanliqini chüshünüp yettuq» dewatidu.

Türk zhornalistlirigha ichini mushu sözliri bilen boshatqan pelestin dölet bashliqi mehmud abbas, türkiyide dawaliniwatqan pelestinlik yurtdashlirining yaxshi kütüliwatqanliqini körüp xushal halda enqeredin ayrildi.
Enqere bolsa, ghezzede uzaq mezgillik urush toxtitish kélishimnamisning ishqa ashurulushi we pelestinde birlikning emelge éshishi üchün imkaniyetning bariche tirishchanliq körsitiwatidu. Enqere bu qétim abbastin kéyinla, uttura sherq rayonida tesir da'irisi intayin küchlük döletlerdin biri bolghan misir dölet re'isi hösni mubarekni kütüwalidu.

&&&&&&&&&&&&&&&&&

تولۇق ئوقۇش

غەززە پاجىئەسىدە قۇربان بولغان «خاماس» رەھبەرلىرى

غەززە پاجىئەسىدە قۇربان بولغان «خاماس» رەھبەرلىرى

بىر ھەپتىدىن بۇيان، ئىسرائىلىيە غەززەدىكى خاماسنىڭ نىشانلىرىغا 700 نەچچە قېتىم باشقۇرۇلىدىغان بومبا قويۇپ بەردى ۋە بومباردىمان قىلدى.
2009-يىللىق يېڭى يىل كۈنىدىكى ھاۋا ھۇجۇمىدا خاماسنىڭ يۇقىرى دەرىجىلىك ھەربىي رەھبىرى نىزار رايان قازا قىلدى،
2009-يىلى 2-يانۋار خاماسنىڭ يەنە بىر يۇقىرى دەرىجىلىك قوماندانى ئەبۇ زاكارا ئال جامال ئېغىر يارىلىنىپ، 2009-يىلى 3-يانۋار سەھەردە قازا قىلدى.

49 ياشلىق نىزار رايان-خاماسنىڭ ئەڭ مۇھىم بەش رەھبىرىنىڭ بىرى بولۇپ، تۆت يىلدىن بۇيان ئىسرائىلىيە ئارمىيىسى ئۆلتۈرگەن خاماسنىڭ ئەڭ يۇقىرى دەرىجىلىك رەھبىرى.
نىزار رايان غەززە ئىسلام ئۇنىۋېرسىتېتىنىڭ لېكتورى ئىدى.
بىراق، ئىسرائىلىيە ئاخبارات ۋاسىتىلىرى ئۇنىڭ 2004-يىلىدىكى بومباردىماندا قازا قىلغان خاماسنىڭ قۇرغۇچىسى ۋە مەنىۋى داھىيسى ياسىنغا ۋارىسلىق قىلىپ، خاماسنىڭ ئالىي دىنىي داھىيسى بولغانلىقىنى ئېيتتى.
خەۋەرلەرگە قارىغاندا، ئىسرائىلىيە ئارمىيىسى ھاۋا ھۇجۇمى قوزغىغاندىن كېيىن، ئۇ كۆپ قېتىم ئوتتۇرىغا چىقىپ، ئادەمبومبا ھۇجۇمى قوزغاشنى مۇراجىئەت قىلغان، يەنە ئىسرائىلىيە ئارمىيىسى «بومباردىمان قىلىمىز» دەپ تەھدىت سالغان بىنانىڭ ئۆگزىسىگە چىقىۋېلىپ كۆپ قېتىم ئېتىراز بىلدۈرگەن.
نىزار رايان ئىسرائىلىيە ئارمىيىسى «بومباردىمان قىلىمىز» دەپ ئاگاھلاندۇرغاندىن كېيىنمۇ ئائىلىسىدىكىلەر بىلەن شۇ بىنادىن كەتمىگەن.
نىزار راياننىڭ ئىككى خوتۇنى، تۆت بالىسىمۇ ئۇنىڭ بىلەن تەڭ بەختسىزلىككە ئۇچرىغان،
ئۇنىڭ 11 پەرزەنتى بار ئىدى.
ئەنگلىيە «مۇھاپىزەتچىلەر گېزىتى»دە: «ئۇنىڭ 11 پەرزەنتىنىڭ ھەممىسى بەختسىزلىككە ئۇچرىدى» دەپ خەۋەر قىلىندى.

نىزار رايان-خاماسنىڭ ئاساسلىق قوراللىق گۇرۇھى قەسەم برىگادىسىنىڭ رەھبىرى ۋە ھەربىي قوماندانى بولۇپ، پائالىيەتلەرگە ھەربىي فورما كىيىپ باراتتى. ئۇ ئىسرائىلىيە بىلەن ئابباسنى كۆپ قېتىم ئەيىبلىگەن ھەم خاماسنىڭ ئىئوردان دەرياسىنىڭ غەربىي قىرغىقىنى ئاخىر قولغا ئالىدىغانلىقىنى ئېيتقان. 

ئىسرائىلىيىنىڭ خاماسنىڭ رەھبەرلىرىنى يوقىتىشقا باشلىغىنىغا خېلى بولدى.
نىزار رايان قازا قىلغاندىن كېيىن، خاماسنىڭ رەھبىرى ھانىياھ تېخىمۇ كۆزگە چېلىقىدىغان بولۇپ قالدى.

ھانىياھ 45 ياشتا بولۇپ، 12 پەرزەنتى بار.
ئۇ غەززەنىڭ ئوتتۇرا قىسمىدىكى مۇساپىرلار لاگېرىدا تۇرىدۇ.
ھانىياھنى ئىسرائىلىيە 20-ئەسىرنىڭ 80-يىللىرىدا ئۇنى ئۈچ قېتىم قولغا ئالغان.
1992-يىلى ئىسرائىلىيە ئۇنى 400 مۇساپىر بىلەن تەڭ لىۋاندىن قوغلاپ چىقارغان.
ئۇ ياسىننىڭ قابىل ياردەمچىسى ئىدى.
2003-يىلى ياسىن تۇنجى قېتىم ھاۋا ھۇجۇمىغا ئۇچرىغاندا، ھانىياھ ئۇنىڭ بىلەن بىللە ئىدى،
يېرىم يىلدىن كېيىن، ياسىن يەنە قەستكە ئۇچراپ قازا قىلدى.
ھانىياھ چىقىشقاق، تۇرمۇشتا ئاددىي-ساددا بولۇپ، باش مىنىستىر بولۇشتىن ئىلگىرى ھۆكۈمەتتە ۋەزىپە ئۆتەپ باقمىغان.
پەلەستىنلىكلەر ئۇنى بەك قوللايدۇ.
ئۇ-خاماسنىڭ ئەڭ قاتتىق قول رەھبىرى.

بىر قانچە كۈندىن بۇيانقى ھاۋا ھۇجۇمىدا خاماسنىڭ ئالىي دەرىجىلىك بومبا مۇتەخەسسىسى ئامىر مەنسىلمۇ شېھىت بولدى.
ئاخبارات ۋاستىلىرىنىڭ دىيىشىچە: ئۇ ئۆزى راكىتا ئېتىش ئۈچۈن چىقىپ، ھاۋا ھۇجۇمىدا قازا قىلغان.

«يەر شارى ۋاقىت گېزىتى» ۋە (2009-01-12)«شىنجاڭ گېزىتى»م

مەنزىل
http://palastinbiz.blogspot.com/
*******************************************

تولۇق ئوقۇش

خاماسنىڭ داھىسى - شەيخ ئەھمەد ياسىن

خاماسنىڭ مەنىۋىي داھىسى - شەيخ ئەھمەد ياسىن


شەيىخ ئەھمەد ئىسمائىل ياسىن 1938 - يىلى پەلەستىننىڭ ئەسقەلان دىگەن يىرىدە تۇغۇلغان.
ئۇ كىچىك ۋاقتىدا (تىخى 5 ياشقىمۇ كىرمىگەن) دادىسى ۋاپات بولغان.
1948-يىلدىكى مەغلۇبىيەتتىن كىيىن غەززە شەھرىگە سۇرگۇن قىلىنغان.
ئەھمەد ياسىن بۇ چاغدا ئون ياشقا كىرگەن ئىدى.

ئۇ ۋاقىتلاردا ئەھمەد ياسىن ۋە ئائىلىسى مسىر قوشۇنىنىڭ گازارمىسىدىن قېلىپ قالغان نەرسىلەرگە تايىنىپ تۇرمۇش كەچۇرگەن.
1952 - يىلى چېنىقىش مەشقى ئارلىقىدا ھادىسىگە ئۇچراپ بويۇن ئومۇرتقىلىرى سۇنغان ۋە ئومۇرلۇك مىيىپ بولۇپ قىلىپ، چاقلىق ئورۇندۇقتىكى ھاياتىنى باشلىغان.

ئەھمەد ياسىن ياش ۋاقتىدا ئۇچرىغان ھادىسىلەر شۇ قەدەر ئېغىر بولسىمۇ، لېكىن ئۇ ئۇمىدسسسزلەنمىگەن ۋە بەل قويىۋەتمىگەن.

ئۇ 1958 - يىلى تولۇق ئوتتۇرا مەكتەپنى پۇتتۇرگەن چاغدا، سالامەتلىك ئەھۋالى ياخشى بولمىسىمۇ خىزمەت قىلىش پۇرسىتىگە ئىگە بولۇپ، ئەرەپ تىلى ۋە ئىسلام تەربىيەسىدىن دەرس بەرگەن. ئاندىن كېيىن غەززە شەھرىنىڭ مەسچىتلىرىدە ئىمام بولغان ۋە جەسۇرلىقى بىلەن داڭلىق خاتىپ بولۇپ تونۇلغان، بۇ مەزگىللەردە ئۇ «مۇسۇلمان قېرىنداشلار تەشكىلاتى»غا ئەزا بولۇپ كىرگەن.

1967 - يىلى يۈز بەرگەن ئوتتۇرا شەرق ئۇرۇشىدىكى مەغلۇبىيەتدىن كېيىن، ئەھمەد ياسىن ئۆزى ئىماملىق قىلىۋاتقان مەسجىد مۇنبىرى ئارقىلىق ئىسرائىلىيە ۋە غەرب مۇستەملىكىچىلىرىگە قارشى نۇتۇقلارنى سۆزلەپ، مۇسۇلمانلارنىڭ روھىنى ئۇرغۇتقان. ئىسرائىلىيە بىلەن بولغان ئۇرۇشتا شەھىد بولغان ۋە ئەسىرگە ئېلىنغانلارنىڭ ئائىلىسگە ئىئانە توپلاشتا جىددى پائالىيەت ئېلىپ بارغان.
1973 -يىلى «ئىسلام بىرلەشمىسى»نى قۇرۇپ، 1984 - يىلىغىچە رەئىس بولغان.

1983 - يىلى شەيىخ ئەھمەد ياسىن «قورال ساقلىغان، قوراللىق تەشكىلات قۇرغان ۋە يەھۇدى دۆلىتىنى ئاغدۇرۇشىغا تەييارلانغان» دىگەندەك سەۋەبلەر بىلەن قولغا ئېلىنىپ، ھەربىي سوتقا تارتىلىپ 13 يىللىق تۇرمە جازاسىغا ھۆكۈم قىلىنىدۇ.
1985 - يىلىدىكى ئىسرائىلىيەلىك ئەسىرلەر بىلەن پەلەستىنلىك ئەسىرلەرنى ئالماشتۇرۇش پىلانىدا تۇرمىدىن چىققان.

1987 - ئەھمەد ياسىن «مۇسۇلمان قېرىنداشلار»نىڭ پىكرىنى قوبۇل قىلغان ئاكتىپ شەخسلەر بىلەن «پەلەستىن ئىسلام قارشىلىق كۆرسىتىش ھەركىتى» - ‹خاماس› تەشكىلاتنى قۇرۇپ چىققان.
بۇ تەشكىلاتنىڭ ئاساسلىق نىشانى - ئىسرائىلىيەنىڭ پەلەستىندىكى تاجاۋۇزچىلىقىغا قارشى تۇرۇش ئىدى، شۇ يىلى پەلەستىندە قوزغالغان نامايىشتا بۇ تەشكىلات مۇھىم رول ئوينايدۇ، شۇنىڭدىن ئېتىبارەن ئەھمەد ياسىن «خاماس» ھەركىتىنىڭ مەنىۋىي داھىيسىغا ئايلىنىدۇ.
پەلەستىن قارشىلىق كۆرسىتىش ھەركىتى كۇچەيگەنسىرى، ئىسرائىلىيە ئەھمەد ياسىنغا بولغان نازاراتنى كۈچەيتىدۇ.
يەھۇدىيلار 1988- يىلى ئۇنىڭ ئۆيىنى تەكشۇرۇپ، ئۇنى لىۋانغا سۇرگۇن قىلىدىغانلىقى بىلەن تەھدىد سالىدۇ.
1989- يىلى ئىسرائىلىيە ئۇنى «خاماس» ئەزالىرى بىلەن قوشۇپ قولغا ئالىدۇ.
1991 - يىلى ئىسرائىلىيە سوت مەھكىمىسى ئۇنىڭغا «مۇددەتسىز تۈرمىدە يېتىش جازاسى» بېرىدۇ. ئۇ تۇرمىدە بىر قانچە يىل ياتىدۇ.
1997 - يىلىغا كەلگەندە ئىئوردانىيە بىلەن ئىسرائلىيە ئارىسىدا ئۆتكۈزۈلگەن ئەسىرلەرنى ئالماشتۇرۇش مەسىلىسدە تۇرمىدىن بوشاپ چىقىدۇ.
ئىسرائىلىيە ئەھمەد ياسىنغا بىر قانچە قېتىم سۇيقەست قىلىشقا ئۇرۇنىدۇ.
2003- يىلى ئىسرائىلىيەنىڭ تىك ئۇچار ئايرۇپىلانى ئۇ ئولتۇرۇۋاتقان ئويگە بومبا تاشلايدۇ. بۇ چاغدا ئۇنىڭ ئوڭ بىلىكى بىر ئاز يارىلىنىدۇ.
شەيىخ ئەھمەد ياسىن داۋاملىق خەلقنى پەلەستىن مۇستەقىللىقى ۋە بىرلىكى ئۈچۈن كۈرەش قىلىشقا چاقىرىق قىلىدۇ، ئۆمۈر بويى پەلەستىن ھۆكۈمىتى بىلەن بولغان مۇناسىۋەتتە كەڭ قوساق پۇزىتسيەدە بولۇپ، «خاماس» بىلەن «فاتاخ»نىڭ ئالاقىسىنى ياخشىلايدۇ. ئۇ ئاخىرى پەلەستىن ھۆكۈمىتىنىڭ تەقدىرلىشىگە ئىرىشىدۇ.
شەيخ ئەھمەد ياسىننى «پەلەستىن ئازاتلىق تەشكىلاتى»نىڭ رەھبىرى، پەلەستىن ئاپتونوم ھۆكۈمىتىنىڭ رەئىسى ۋە پەلەستىن دۆلىتىنىڭ پىرىزدىنتى ياسىر ئەرافاتمۇ ھۆرمەت قىلاتتى.
ئەھمەد ياسىن پەلەستىندىكى ھەر قايسى گورۇھ مەسئۇللىرى ۋە پەلەستىن مەسىلىسىگە ئالاقىدار دۆلەتلەر ھەم خەلقارا تەشكىلاتلار بىلەن سوھبەت ئوتكۇزۇشكە تەييار ھالەتتە تۇراتتى.
ئۇ بىر قېتىم مۇنداق دىگەن: «بىز ‹خاماس› ھەركىتى ھەرقانداق بىر دۆلەتكە سوھبەت ئۆتكۈزۈش دەرۋازىسىنى تاقىمايمىز».

2004 - يىلى 3 - ئاينىڭ 22 - كۇنى دۇشەنبە شەيخ ئەھمەد ياسىن ئۇزۇندىن بىرى ئۇمىد قىلىپ كەلگەن شەھىدلىك شەرىپىگە ئېرىشىدۇ.
ئەھمەد ياسىن بامدات نامازنى ئوقۇپ بولغاندىن كېيىن، يەھۇدىلارنىڭ بومباردىمان قىلىش نەتىجىسىدە مەسچىدنىڭ ئالدىدا شەھىد بولىدۇ،
مۇشۇ تارىخىي پەيتتە ئەھمەد ياسىننىڭ ھاياتى ئاخىرلىشىپ، ئۇ قەلبى، قېنى، ئەقلى ۋە ئىمانى بىلەن تەربىيلەپ چىققان ئەۋلادلارنىڭ يېڭى كۈرەش ھاياتى باشلىنىدۇ.








مەنزىل
http://palastinbiz.blogspot.com/

تولۇق ئوقۇش

ياسىر ئەرافات ۋە جوڭگۇ

ياسىر ئەرافات ۋە جوڭگۇ




1970 - يىلى 3- ئاينىڭ 27 - كۈنى جوڭگۇ ھۆكۈمىتىنىڭ زوڭلىسى جۇئىنلەي «پەلەستىن مىللىي ئازاتلىق ھەركىتى»نىڭ باش مەسئۇلى، «پەلەستىن ئازاتلىق تەشكىلاتى» ئىجرائىيە كومىتىتىنىڭ رەئىسى - ياسىر ئەرافات بىلەن كۈرۈشكەن.




1981 - يىلى 10 - ئاينىڭ 9 - كۈنى «پەلەستىن ئازاتلىق تەشكىلاتى» ئىجرائىيە كومىتىتىنىڭ رەئىسى، «پەلەستىن ئىنقىلاۋىي قۇراللىق كۈچلىرى»نىڭ باش قۇماندانى - ئەرافات دىڭ شىياۋپىڭ بىلەن كۈرۈشكەن.




2004 - يىلى 6 - ئاينىڭ 1 - كۈنى پەلەستىن مىللى ھوقۇقلۇق ئورگىنىنىڭ رەئىسى، پەلەستىن ئاپتونومىيە ھۆكۈمىتىنىڭ پىرىزدىنتى - ئەرافات ئىئوردان دەرياسىنىڭ غەربىي قىرغىقىدىكى رامئاللاھقا جايلاشقان سارىيىدا جوڭگۇنىڭ ئوتتۇرا شەرق مەسىلىلىرى پەۋقۇلئاددە ئەلچىسى ۋاڭ شىجې بىلەن كۈرۈشكەن.


مەنبە
http://news.sohu.com/
http://bbs.xabnam.com/read.php?tid-90495.html

تولۇق ئوقۇش

پەلەستىندىكى يەنە بىر كۈچ-خاماس

پەلەستىن ئىسلام قارشىلىق كۆرسىتىش تەشكىلاتى-«خاماس»



‹خاماس›نىڭ قۇرۇلۇشى


سىنىپىي جەمئىيەت بارلىققا كەلگەندىن بۇيان، خەلقئارا ئىشلاردا مۇتلەق ئادىللىق ۋە ھەققانىيەت مەۋجۇت بولغان ئەمەس. زوراۋانلىق سىياسىيسى ۋە كۈچ سىياسىتى باشتىن –ئاخىر مۇھىم رول ئويناپ كەلدى.
بۇ ھال يۇرتلىرىدىن، زىمىنلىرىدىن ئايرىلىپ قالغان، دۆلەت قۇرۇش ئارزۇسى ئەمەلگە ئاشمىغان پەلەستىن خەلقىگە نىسبەتەن ئېيىتقاندا، ئىسرائىلىيىنىڭ مەۋجۇتلىقىنى ئېتىراپ قىلىش، غەربىي قىرغاق ۋە گازادىكى تەخمىنەن بەش مىڭ كۇۋادىرات كىلومىتىردىن كۆپرەك زىمىندا مۇستەقىل پەلەستىن دۆلىتى قۇرۇش ئىنتايىن ئىلاجسىزلىقنىڭ تولىمۇ ئازاپلىق، شۇنداقلا بىردىنبىر ئاقىلانە تاللىۋېلىشى ئىدى. گەرچە ئىسرائىليە كۈچلۈك بولسىمۇ، ئەرەب دۆلەتلىرىنى يېڭەلمىدى. نەچچە مىليون پەلەستىنلىكلەرنىمۇ بوي سۇندۇرالمىدى.


‹خاماس›نىڭ قۇرغۇچىسى ــ شەيخ ئەھمەد ياسىن


1987- يىلى 14- دىكابىر شەيخ ئەھمەد ياسىن بىلەن شەيخ سالاھ، ئىسا، ئىبراھىم، دوكتۇر ئابدۇ روتشى، فاتىخ دۇھان (بۇ كىشىلەرنىڭ كوپىنچىسى دوختۇر، ئالىي مەكتەپ ئوقۇتقۇچىسى، ئىنژىنىېر ئىدى) قاتارلىق كىشىلەر يىغىن ئېچىپ، گازا رايۇنىدا «ئىسلام قارشىلىق كۆرسىتىش تەشكىلاتى» ــ ‹خاماس›نى قۇرۇشنى قارار قىلدى.

نەزەرىيە جەھەتتە، ‹خاماس› - «مىسىر قېرىنداشلار ئۇيۇشمىسى»نىڭ مۇتەپەككۇرى سەيىد قۇتۇب ۋە ئىراننىڭ مەنىۋىي داھىيسى ھۈمەينىنىڭ ھازىرقى زامان ئىسلامىزىم ئىدىيىسىنىڭ تەسىرىگە ئۇچراپ، «ئىسلام دۇنياسىنىڭ نۆۋەتتە قىلىدىغان جىددى ئىشى - چەتتىن كەلگەن بارلىق تەسىرلەرنى تازىلاپ ھەقىقىي ئىسلام جەمئىيىتىنى قايتىدىن قۇرۇپ چىقىشتىن ئىبارەت» دەپ قارىدى.

شۇ يەردىكى ئىسلامىزىمچلارنىڭ قارىشىچە، پەلەستىندىكى ئەرەبلەرنىڭ ئىسرائىلىيىگە قارشى كۈرەشتە ئۈستى-ئۈستىلەپ يېڭىلىپ كىتىشىگە مۇسۇلمانلارنىڭ ئاللاھنىڭ يولىدىن چەتنەپ كىتىشى، دىندىن تاشقىرى مىللەتچىلىك، كومۇنىزىم قاتارلىق چەتتىن كەلگەن ھەر خىل ئىدىيىلەرنىڭ تەسىرىگە ئۇچرىشى سەۋەپ بولدى. شۇڭا ئۇلار مۇسۇلمانلاردىن يېڭىۋاشتىن ئۆزگىرىپ، ھەق دىنغا قايتىشنى، ئىتىقادنى پاكلاشتۇرۇشنى، پۇتۇنلەي دىننىڭ قائىدىلىرى بىلەن ياشاشنى، جەمئىيەتنى شەرىئەت ۋە دىنىي ئەقىدە بىلەن ئۆزگەرتىپ، ئۆزىنىڭ ئىتىقادىنى ۋە كۈچىنى كۈچەيتىشنى، ھەم جىھاد ئارقىلىق ئاخىرى يەھۇدىي زىئونىزىمى ئۈستىدىن غەلىبە قىلىپ، پۈتكۈل پەلەستىننى ئازاد قىلىشنى تەلەپ قىلدى.
بۇنداق قاراش ياشلار ئىچىدە بەك ئەۋج ئېلىپ كەتتى. مانا بۇمۇ ‹خاماس›نىڭ نەچچە يىلدا بۇنچىلىك بەك تەرەققىي قىلىپ كىتەلىشىدىكى ئىدىيىۋى ئاساس ھىساپلىنىدۇ.

ئىسرائىلىيىدىكى مۇناسىۋەتلىك كىشىلەرنىڭ مۆلچەرلىشىچە، 1994-يىلىغا كەلگەندە ‹خاماس›نىڭ ئەزاسى 30 مىڭ ئادەمگە يەتكەن. ھەم نۇرغۇن قوللىغۇچىلار ۋە ھىسداشلىق قىلغۇچىلارغا ئىگە بولغان. گازا رايۇنىدىلا 50% دىن كۆپ يەرلىك كىشىلەر ‹خاماس›نى قوللايدىكەن. ‹خاماس› ئەزالىرىنىڭ كۆپ قىسمى ھەر كەسىپتىكى ياشلار بۇلۇپ، كۆپىنچىسى زىيالىلار ۋە ئالىي مەكتەپ ئوقۇغۇچىلىرى ئىكەن.


‹خاماس›نىڭ نىزامنامىسى


‹خاماس› 1988- يىلى غەربىي قىرغاقتا ۋە گازا رايۇنىدا «‹خاماس›نىڭ نىزامنامىسى»نى تارقاتتى.
بۇ 5 باب، 36 ماددىلىق نىزامنامە بۇلۇپ، «قۇرئان كەرىم»دىكى مۇناسىۋەتلىك سۈرە-ئايەتلەرنى كۆپلەپ نەقىل كەلتۈرۈپ، ئۆزىنىڭ كۈرەش پىروگىراممىسىنى ئىنىق ئوتتۇرغا قويغان.


«نىزامنامە»نىڭ ئاساسىي مەزمۇنى تۆۋەندىكىچە:


(1)
‹خاماس›نىڭ يىتەكچى پىرىنسىپى - مۇقەددەس ئىسلام دىنىدۇر.
‹خاماس› - مىسىر قېرىنداشلار ئۇيۇشمىسىنىڭ شۆبىسى، شۇنداقلا دۇنيا ئىسلامىزىم ھەركىتىنىڭ بىر تەركىبىي قىسمىدۇر.
ئۇ دىندىن تاشقىرى مىللەتچىلىككە، كومۇنىزىمغا ۋە كاپىتالىزىمغا قارشى تۇرىدۇ.
ئۇنىڭ شۇئارى - «ئاللاھ - بىزنىڭ ئاخىرقى مەقسىتىمىز، پەيغەمبەر ئەلەيھىسالام - بىزنىڭ ئۈلگىمىز، ‹قۇرئان كەرىم› - بىزنىڭ ئاساسىي قانۇنىمىز، جىھاد - بىزنىڭ يولىمىز، ئاللاھ يولىدا شېھىد بۇلۇش - بىزنىڭ ئالىي غايىمىز» دىگەندىن ئىبارەت.

(2)
‹خاماس›نىڭ كۈرەش نىشانى - ئوتتۇرا دېڭىزدىن ئىئوردان دەرياسىغىچە بولغان پەلەستىن زىمىنىدا ئىسلام جۇمھۇرىيىتى قۇرۇشتىن ئىبارەت.
پەلەستىن زىمىنى مۇسۇلمانلارنىڭ قىيامەت قايىم بولغىچە ۋەخپىسىدۇر.
ھەرقانداق ئەرەب دۆلىتى ياكى بارلىق ئەرەب دۆلەتلىرى، ھەرقانداق پادىشاھ ياكى زۇڭتۇڭ ياكى ھەممە پادىشاھ، زۇڭتۇڭلارنىڭ ئۇنىڭدىن قالايمىقان پايدىلىنىش، ئۇنى بۆلۈۋېتىش، سېتىش ياكى ئوغۇرلاش ھوقوقى يوق!
پەلەستىن زىمىنىنىڭ ھەرقانداق قىسمىدىن ۋاز كىچىشكە بولمايدۇ. باشقا دىنغا ئىتىقاد قىلىدىغان ئادەملەر ئىسلام دىنىغا بويسۇنۇش شەرتى ئاستىدا پەلەستىندە تۇرالايدۇ.

(3)
‹خاماس› يەھۇدىي زىئونىزىمىنى ۋە ئىسرائىلىيىنى يوقىتىش يولىدا كۈچ چىقىرىدۇ.
«جىھاد» ئارقىلىق پەلەستىننى ئازاد قىلىدۇ.
پۇتۇن دۇنيا مۇسۇلمانلىرىنى پەلەستىننى ئازاد قىلىدىغان «جىھاد»قا قاتنىشىشقا چاقىرىدۇ.
ھەممە ئىسلام دۆلەتلىرىدىن پەلەستىننى ئازاد قىلىدىغان «جىھاد»قا ياردەم بىرىشنى تەلەپ قىلىدۇ.

(4)
پەلەستىن مەسىلىسىنى ھەل قىلىش يولىدىكى ھەرقانداق تەكلىپ، لايىھە، خەلقئارا يىغىن ‹خاماس›نىڭ ئىتىقادى بىلەن تىپىشىپ قالسا، (‹خاماس› ئۆز ئىتىقادىنى ئاساس قىلىدۇ)
پەلەستىننىڭ بىر قىسىم زىمىنىدىن ۋاز كەچسە، دىننىڭ بىر قىسمىدىن ۋاز كەچكەنلىك بۇلىدۇ.
پەلەستىننىڭ ئىگىلىك ھوقوقى ئاللاھقا مەنسۇپ بۇلۇپ، ئۇ ھەقتە سۆھبەتلىشىشكە بولمايدۇ، ئۇنى ئۆتۈنۈپ بىرىشكىمۇ بولمايدۇ.
پەلەستىن مەسلىسىنى ھەل قىلىشنىڭ جىھاددىن باشقا يولى يوق.

(5)
«پەلەستىن ئازاتلىق تەشكىلاتى»‹فاتاخ› - ‹خاماس›قا ئەڭ يېقىن تەشكىلاتلارنىڭ بىرى بۇلۇپ، بۇ تەشكىلاتتا دادىلىرىمىز، ئاكىلىرىمىز ۋە ئەل-ئاغىينە، يېقىن دوستلىرىمىز بار.
ۋەتىنىمىز، تەقدىرىمىز ۋە دۈشمىنىمىز ئورتاق.
«پەلەستىن ئازادلىق تەشكىلاتى» بىلەن كۈرەش نىشانىمىز بىر.


مەنبە:
«ھازىرقى زاماندىكى ئىسلامىزىم» دىگەن كىتاب
ــــــــــــــــــــــــــــــــــــــــــــــــــــــــ

تولۇق ئوقۇش

م«خاماس»نىڭ سۈرگۈندىكى سىياسى لىدىرى خالىد مەشئەل

پەلەستىن ئىسلام قارشىلىق تەشكىلاتى ــ «خاماس»نىڭ

سۈرگۈندىكى سىياسى لىدىرى خالىد مەشئەل

ھازىرغا قەدەر سۈرگۈندە ياشاۋاتقان خالىد مەشئەل 1956 ـ يىلى پەلەستىننىڭ رامئاللا شەھىرىگە يېقىن بىر يېزىدا دۇنياغا كەلگەن.
1967 ـ يىلىدىكى ئۇرۇشتا كۇۋەيتكە كۆچۈپ كەلگەن،
1971 ـ مۇسۇلمان قېرىنداشلار (ئىخۋانۇل مۇسلىمىين) جامائىتىگە ئەزا بولغان.
بىر قانچە يىل كۇۋەيتتە فىزىكا ئۇقۇتقىچىلىقى قىلغان خالىد مەشئەل 1987 ـ يىلى باشلانغان پارتىزانلىق ھەرىكەتتىن كېيىن ھاماس تەشكىلاتىغا قېتىلىدۇ. بىرىنچى قىتىملىق پارس قولتۇقى ئۇرۇشىدىن كېيىن كۇۋەيتتە ياشاۋاتقان نۇرغۇن پەلەستىنلىكلەر ئىئوردانىيىگە كۆچۈپ كەلگەن بولۇپ، مەشئەلمۇ ئۇلار بىلەن بىرگە ئىئوردانىيىگە كۆچۈپ كېلىپ يەنىلا ھاماسنىڭ ئىقتىسادىنى كۆچەيتمەك ئۈچۈن تىرىشىدۇ. شۇنىڭدەك تەشكىلاتنىڭ سۈرىيە ۋە ئىرانغا ئوخشاش دۆلەتلەر بىلەن بولغان مۇناسىۋىتىنى ياخشىلايدۇ.
بۇ ئارىدا ‹مۇساد› ــ ئىسرائىلىيە ئاخبارات كۈچلىرى ئۇنى ئۆلتۈرۈشنى قارار قىلىدۇ. 1997 ـ يىلى 9 ـ ئاينىڭ 25 ـ كۈنى كانادا پاسپۇرتى كۆتۈرگەن 10 نەپەر ‹مۇساد› ئەزاسى نىتانياھۇنىڭ بۇيرۇقى بىلەن ئىئوردانىيىگە كىرىدۇ ۋە سۇيىقەست پىلانىنى ئەمەلگە ئاشۇرماق بولىدۇ. بىراق سۇيىقەست ئاشكارىلىنىپ ئىككى نەپەر ‹مۇساد› ئەزاسى ئىئوردانىيە ھۆكۈمىتى تەرىپىدىن قولغا چۈشۈرىلىدۇ. ئىسرائىلىيە ھۆكۈمىتى ۋەقەدىن كېيىن مەيدانغا كەلگەن نامايىشلارنى بېسىقتۇرۇشقا كۈچ چىقىرىۋاتقان بىر پەيتتە. ئىئوردانىيە پادىشاھى مەلىك ھۈسەيىن ئەگەر ئىسرائىلىيە زەھەر قايتۇرۇش دورىسى ئەۋەتمەيدىغان بولسا ئىسرائىلىيە ئاخبارات ئىدارىسىگە مەنسۇپ ئىككى كىشىنىڭ ئۆلتۈرىلىدىغانلىقىنى بايان قىلىدۇ. شۇنىڭ بىلەن ئىسرائىلىيە زەھەر قايتۇرغۇچ دورىسىنى ئەۋەتىدۇ. بۇنىڭ بىلەن بىرگە مۇددەتسىز قاماق جازاسىغا ھۆكۈم قىلىنغان شەيخ ئەھمەد ياسىننىمۇ قويۇپ بېرىشكە مەجبۇر بولىدۇ.
پادىشاھ ھۈسەيننىڭ ۋاپاتىدىن كېيىن تەختتە ئولتۇرغان ئابدۇللا ھاماسنىڭ ئۇمماندىكى ئىشخانىسىنى تاقىۋىتىدۇ.
1999 ـ ئاۋغۇستتا مەشئەل ۋە ئۇنىڭ ئۈچ سەپدىشى ئىئوردانىيەدىن ھەيدەپ چىقىرىلىدۇ. تۈنجى بولۇپ قاتارغا دۆلىتىگە كەلگەن مەشئەل 2001 ـ سۈرىيەگە كېلىپ توختايدۇ. 2003 ـ يىلىدا ھاماسنىڭ روھانى لىدىرى شەيخ ئەھمەد ياسىن ئىسرائىلىيە باسقۇنچىلىرى تەرىپىدىن شېھىد قىلىنىدۇ . ئۇنىڭدىن كېيىن تەشكىلاتنىڭ خىزمىتىنى ئۈستىگە ئالغان دوكتۇر ئابدۇلئەزىز رانتىسىنىڭمۇ شېھىد قىلىنىشىدىن كېيىن پارتىيە يېڭى لىدىرلارنى جاكارلىماسلىق يولىنى توتۇپ مېڭىۋاتقان بولسىمۇ، خالىد مەشئەل تەشكىلاتنىڭ ھازىرقى سىياسى لىدىرلىق خىزمىتىنى ئۆتەپ كېلىۋاتىدۇ. يېقىنقى كۈنلەردە بولغان سايلامدا ھاماس پارتىيەسى ئۇتقاندىن كېيىن ئامېرىكا، ئىسرائىلىيە باشلىق غەرب ئەللىرى ھاماس پارتىيەسى قۇرماقچى بولغان يېڭى پەلەستىن ھۆكۈمىتىنى ئىسرائىلىيە دۆلىتىنى ئېتىراپ قىلىشقا مەجبۇرلاۋاتقان بولسىمۇ، خالىد مەشئەل باشچىلىقىدىكى ھاماسنىڭ پۈتۈن خادىملىرى قاتتىق رەت قىلىش بىلەن بىرگە، پەلەستىن زېمىنىدىن مۇستەملىكە ئاستىدا قالغان بىر غېرىچمۇ يەر قالمىغانغا قەدەر كۈرەشنى داۋام قىلىدىغانلىقىنى جاكارلاۋاتىدۇ

مەنبە
http://www.islam114.cn/bbs/read.php?tid-980.html

تولۇق ئوقۇش

مەھمۇد ئابباسنىڭ قىسقىچە تەرجىمىھالى

پەلەستىن مىللى ھوقوقلۇق ئورگىنىنىڭ رەئىسى

مەھمۇد ئابباسنىڭ قىسقىچە تەرجىمىھالى



ئابباسنىڭ تولۇق ئىسمى مەھمۇد ئابباس
(Mahmoud Abbas)
بولۇپ ، يەنە بىر نامى ئەبۇ مەزىن
(Abu Mazen)
دەپمۇ ئاتىلىدۇ.


1935 - يىلى پەلەستىننىڭ شىمالىي قىسمىدىكى سەفىدتە تۇغۇلغان . ياشلىق مەزگىلىدە كۆپ يىل سۈرىيىدە تۇرمۇش كەچۈرگەن . ئىلگىرى - ئاخىر بولۇپ دەمەشق ئۇنۋېرسىتىتى (سۈرىيىدە) نىڭ قانۇن پەنلىرى بويىچە باكلاۋىرلىق ئۇنۋانىغا ۋە موسكىۋا ئۇنۋېرسىتىتىنىڭ تارىخ پەنلىرى بويىچە دوكتۇرلۇق ئۇنۋانىغا ئىرىشكەن.

1959 - يىلى پەلەستىننىڭ مەرھۇم بولغان رەھبىرى ئارافات بىلەن بىللە پەلەستىن ئازادلىق تەشكىلاتىنىڭ ئاساسى ئىقىمى بولغان «فاتاخ»نى قۇرۇپ چىققان.
ئالدىنقى ئەسىرنىڭ 90 - يىللىرىدا ئۇ پەلەستىن تەرەپنىڭ باش سۆھبەت ۋەكىلى بولۇپ ئىسپانىيە پايتەختى مادرىتتا ئۆتكۈزۈلگەن ئوتتۇرا شەرق تېنىچلىق يىغىنىدا قاتنىشىپ ، پەلەستىن - ئىسرائىلىيە ئوسلو سۆھبىتىگە رىياسەتچىلىك قىلغان ھەم «ئوسلو كىلىشىمى» ئىمزالىغان.
1994 - يىلى 5 - ئايدان پەلەستىن چەكلىك ئاپتونومىيە يۈرگۈزگەندىن كىيىن ئۇ ئارافاتقا ئەگىشىپ كۆپ يىللار ئايرىلغان يۇرتى پەلەستىنگە قايتىپ كەلگەن.
1995 - يىلى پەلەستىن ئازادلىق تەشكىلاتى ئىجرائىيەكومىتېتىنىڭ باش شۇجىسى بولۇپ سايلانغان.
2003 - يىلى 4 - ئايدىن 9 - ئايغا قەدەر پەلەستىن ئاپتونومىيە ھۆكۈمىتىنىڭ تۇنجى نۆۋەتلىك باش مېنىستىرى (زۇڭلىسى) بولۇپ تەيىنلەنگەن.
2004 - يىلى 11 - ئايدا ئارافات قازا قىلغاندىن كىيىن، ئابباس پەلەستىن ئازادلىق تەشكىلاتىنىڭ ئىجرائىيە كومىتېتىنىڭ رەئىس بولۇپ سايلانغان.
2005 - يىلى 1 - ئايدا ئابباس مۇتلەق كۆپ سانلىق بىلەتلىك نەتىجە بىلەن پەلەستىن مىللى ھوقوقلۇق ئورگىنىنىڭ 2 - نۆۋەتلىك رەئىسى بولۇپ سايلانغان . شۇ يىلى 1 - ئاينىڭ 15 - كۈنى قەسەم بىرىپ ۋەزىپىگە ئولتۇرغان

مەنبە
http://bbs.sawda.cn/read.php?tid=758

阿巴斯

　　
　　马哈茂德·阿巴斯(Mahmoud Abbas) 又名阿布·马赞(Abu Mazen) ，１９３５年生于巴勒斯坦北部萨法德，年轻时在叙利亚生活多年，先后获得大马士革大学法律学士学位和莫斯科大学历史学博士学位。１９５９年协助巴勒斯坦已故领导人阿拉法特创建巴勒斯坦解放组织主流派“法塔赫”。上世纪９０年代初，阿巴斯曾作为巴方首席谈判代表出席马德里中东和会，主持巴以奥斯陆谈判并签署了“奥斯陆协议”。１９９４年５月巴勒斯坦实行有限自治后，阿巴斯随阿拉法特回到阔别多年的巴勒斯坦。１９９５年当选巴解组织执委会总书记，２００３年４月至９月出任巴勒斯坦自治政府首任总理。２００４年１１月阿拉法特逝世后，阿巴斯当选为巴解组织执委会主席。２００５年１月，阿巴斯以绝对多数票当选巴民族权力机构第二任主席。同年１月１５日，阿巴斯宣誓就职。
　　阿巴斯被认为是巴勒斯坦温和派领导人。他反对通过暴力手段解决巴以矛盾。
　　阿巴斯曾于１９９９年１１月访问中国。２００５年５月对中国进行国事访问，并接受了新华社和新华网记者的专访。

menbe:
http://baike.baidu.com/view/170322.htm

تولۇق ئوقۇش