Salahiddinning beytulmuqeddesni azad qilishi

ئىخچام



Salahiddin eyyubiyning beytulmuqeddesni azad qilishi


Beytulmeqedis shehiri hijriye 492- yili, miladiye 1099- yili yawrupa tajawuzchi qoshunlirining qoli bilen qan'gha boyulghan. Yawrupadiki ijtima'iy, iqtisadiy, siyasi we tebiqiler otturisidiki alahide periqlerdin ibaret her xil kirzislar tüpeyli yawrupa jem'iyitide oghruluq, bulangchiliq, qatilliq jinayetliri yamrap ketken we yawrupa zindanliri jinayetchi yashlar bilen tolup ketken, pursetni ghenimet bilgen baba (ikkinchi irban) bir chalmida ikki paxtekni soqushni niyet qilip, zindanlardiki jinayetchiler ichidin musulmanlarning qolidin beytulmeqedis azat qilish üchün barghanlarning gonahini kechüriwitidighanliqi heqqide wede bergen. Baba (ikkinchi irban) bu qarari arqiliq jinayetchilerdin biraqla qotulushni niyet qilghan. Sherqiy rim impériyisidiki impérator eliksiyos jinayetchilerni öz ichige alghan nahayiti chong eskeriy qoshun toplap beytulmuqeddes terepke yürüsh qilghan. Ular beytulmuqeddeske yitip kelgende bu sheherning tashqi sépillirini örüp, ichki sépillirige yamiship, sheher xelqige shiddet bilen hojum qilghan, sheher ichidiki barliq musulman we xristi'anni öltürüp, sheher ichide qirghinchiliq élip barghan, öltürülgenlerning jesetlirini beytulmuqeddesning sirtigha élip chiqip tashlighandin kiyin bu sheherning pütün bayliqlirini igelliwalghan. Bu qirghinchiliqtin ilgiri bu sheherning musulman we nasaralardin terkip tapqan ahalisi hezriti ömer ibni xettap reziyellahu enhu hijriyining 12- yili, miladiyining 637- yili betrirk seperminustin beytulmuqeddesning achquchini tapshurup alghandin biri muhebbet we dostaniliq bilen yashap kelgenidi.

Aﷲ ta'alaning iradisi bilen salahiddin eyyubi hijriye 532- yili kurt shehiridiki bir mujahid a'iliside dunyagha köz achqan, u kichikide a'ilidiki chonglarning yawrupa ishghaliyetchi qoshunlirining beytulmuqeddes shehirini bésiwalghanliqigha qayghurup bashlirigha qara selle oriwalghanliqini körgenidi, salahiddin orughtuqqanliri bilen birge islam ümmitining xizmiti üchün özini atighan, künlerning ötishi, yéshining chongiyishigha egiship uning islam ümmitige xizmet qilish tuyghisimu kücheygen we qelbige beytulmeqedis azat qilish niyitini pütken we arzusigha yitish üchün wede birilgen künni kütken.

Künlerning ötishi bilen salahiddin padishah mujahidning dewride islam qoshunlirining qomandanliqigha teyinlen'gen, padishah mujahidning wapatidin kiyin hijriye 567- yili uning ornidapadishah bolghan.

U hökümranliqni qoligha alghandin kiyin misirni paytext qilishni qarar qilghan. Misirda chong islahat xizmiti élip barghan, misirning sépil we qel'elirini mustehkemligen, misirda tünji telim terbiye merkizini qurghan, xizmitining shunche aldirash we shunche köp bolishigha qarimay uning pikri dawamliq beytulmeqedis azat qilish bilen meshghul bolghan.

Salahiddin eyyubiy miladiye 1182- yili 11- mayda text rawaqni tashlap beytulmeqdisni tajawuzchi düshmenlerning qolidin azat qilish üchün yaramliq kishilerni yighip meshiq qildurush xizmitini bashlap aﷲ yolida jihadqa atlan'ghan. U her qaysi jaylardin yaramliq kishilerni yighip her tereptin poxta teyyarliq qilghandin kiyin küchlük iman we qet'i irade bilen yawrupa padishahlirigha qarshi orush bashlighan bolup, salahiddin eyyubiy we uning batur eskerliri tajawuzchi düshmenlerni qorshawgha élip ulargha qaqshatquch zerbe bérip bu orushqa ghelibe qilghan we hijriye 583- yili, miladiye 1187- yili 2- öktebir jüme küni tekbir, tehlil éytishqan halda beytulmuqeddeske kirip mesjidi aqsada aﷲ ta'alagha shükri qilish namizi oqughan. Mujahidlarning ghelbisini tebriklep chirkawlarda qongghiraqlar chélin'ghan. Salahiddin eyyubiy 93 yil ishghaliyet astida qalghan beytulmeqdis azat qilip musulmanlarning izzet, hörmitini qayta tikligen. Salahiddin eyyubiy bu qétimqi orushini axirlashturupla beytulmuqeddes shehirini qaytidin güllendürgen. Yol, mesjid, mektep we sehiye orgini qatarliqlargha alahide köngül bölgen.

Salahiddin eyyubiy mal - dunya, nam - shöhretlerge köz qirini salmighan halda pütün hayatini heqiqet yolida köresh qilishqa béghishlighan. Adalet bilen höküm sürüp xaliq we xalayiq aldidiki mes'uliyitini toluq ada qilip, dejle deryasighichilik sozulghan katta bir döletni mosulmanlargha miras qaldurup bu alem bilen xoshlashqan. Salahiddin eyyubiy beytulmeqedis azat qilip alte yildin kiyin alemdin ötken bolup, miladiye 1192 - yili mart éyida demeshiqqe depne qilin'ghan. U wapat bolghanda uning xezinisidin peqet 1 dinar, 47 dirhem tépilghan. Chünki u kichik waqtidila peyghember eleyhissalamning musulmanlarni mal - dunyaning xetiridin agahlandurghan töwendiki xutbisini köp anglighanliqtin mal - dunyagha köz qirini salmastin tapqan terginini yaxshiliq yollirigha serip qilghan: peyghember eleyhissalam mundaq dégen: "silerning namrat bolup qélishinglardin qorqmaymen lékin silerdin ilgiri ötkenlerge mal - dunya yéyilip ketkendek silergimu yéyilip kétishidin, ular uninggha bérilip ketkinidek silerningmu bérilip kétishinglardin, ularni halak qilghandek silernimu halak qilishidin qorqimen". Aﷲ salahiddin eyyubiyge rehmet qilsun. Amin.

Tarix yene qaytilanmaqta, tajawuzchi isra'iliye 1948 - yili beytulmeqedis bésiwalghandin biri pelestin zéminliri musulmanlarning qéni bilen boyalmaqta, afghanistan, iraq, liwan, pelestin qatarliq islam dunyasi tajawuzchi düshmenlerning wehshi zolumlirigha duch kelmekte, pütün alem yéngidin azatliq we tinichliqni kütmekte.

Aﷲ ta'aladin musulmanlarni hidayet üstige jem qilip bérishni, ularning dillirini, söz - heriketlirini islah qilip bérishni, aﷲ ning sheri'iti hökümranliqi astida yashashni nésip qilishni, din üstide mustehkem qilishni, digen xilap ishlardin yiraq qilishni tileymiz, heqiqeten aﷲ shuning igisidur we shundaq qilishqa qadirdur. Peyghembirimiz muhemmed eleyhisalamge, muhemmed eleyhisalamning a'ile tawabatliri we barliq sahabirilige aﷲ ta'ala rehmet qilsun.

Menbe: meripet tori
Menbe: http://www.muslimin.cn/bbs/read.php?tid-2211.html