ئەي غەززەلىك ئوقۇغۇچىلار

ئىخچام

ئەي غەززەلىك ئوقۇغۇچىلار ... غەزەپ


نىزار قەببانىي(سۈرىيە)


ئەي غەززەلىك ئوقۇغۇچىلار...
ئۆگىتىڭلار بىزگە...
سىلەردە بار ئازغىنە نەرسە
بىز ئۇنتۇپ كەتكەنمىز شۇنچە...
ئۆگىتىڭلار بىزگە...
ئادەم بولۇشنى
ئادىمىيلىكىمىز پۇلغا ئايلاندى
ئۇ بىزگە ھەقىقىي قىلمايدۇ جىلۋە...

ئۆگىتىڭلار بىزگە...
بالىلارنىڭ قولىدىكى تاشلار نە سەۋەب
قىممەتلىك بىرلىيانتقا ئايلانغىنىنى...
قانداق قىلىپ ئايلانغاندۇ ئۇ
بالىلارنىڭ ۋەلسىپىتىگە،
مىنالارغا، يىپەك كەمەرگە...
پىستىرمىلارغىچە...

قانداق قىلىپ سۈت بوتۇلكىسىدىكى
ئېمىزگىنىڭ توسالغۇسىزلا
بىر پىچاققا ئايلانغىنىنى

ئەي غەززەلىك ئوقۇغۇچىلار
ئاڭلىتىشىمىزغا قۇلاق سالماڭلار...
ئاڭلىماڭلار گېپىمىزنىمۇ...

كۈرەش قىلىڭلار...
كۈرەش قىلىڭلار...
بارلىق كۈچۈڭلار بىلەن
ھەم قولۇڭلاردىكى تۇتقان ئىش بىلەن
سورىماڭلار بىزدىن ھىچنىمە...

بىزدىكى ئادەملەرنىڭ ھىساباتىمۇ
كۆپىيىدۇ...
ئازىيىدۇ...
سىلەرنىڭ ئۇرۇشىڭلار داۋاملىشىدۇ
بىز سىلەردىن قاچۇرىمىز ئۆزىمىزنىمۇ...

بىز قاچاقلارمىز
مەجبۇرىيەتتىن قورققان ئۆلگىدەك،
سىلەرنىڭ ئارقىنىڭلار كېلىدۇ ھامان
بىزنى بىر كۈن دارغا ئاسقىلى...

بىز شۇنداق ئادەملەر...
قەبرىگىمۇ ئىگە بولالمىغان
ھەتتا ئىگە -چاقىسىز يېتىم بالا بىز...

بىز ئۆيىمىزنى ساقلاپ قالغان بۇرۇنلا...
شۇڭا سىلەردىن تەلەپ قىلىمىز
ئەجدەرھا بىلەن ئۇرۇش قىلىشنى...

بىز كەمسىتىلگەنمىز،
سىلەردىن بۇرۇنقى مىڭ ئەسىردىمۇ...
ھەتتا سىلەر بوزەك ئېتىلىپ
ياشىغان بىر ئايدىكى نەچچە ئەسىردە...

ئەي غەززەلىك ئوقۇغۇچىلار...
خېتىمىزگە جاۋاپ يازماڭلار
ھەم ئوقۇماڭلار خېتىمىزنىمۇ
بىز سىلەرنىڭ ئاتا - بوۋاڭلار...
ئوخشىمايمىز ئەمما سىلەرگە...
بىز سىلەرنىڭ چوقۇنغۇچۇڭلار...
چوقۇنماڭلار ئەمما بىزلەرگە...

بىز قاتنىشىمىز بېسىقتۇرۇشلارغا...
ھەم سىياسىي يالغانچىلىقلارغا...
بىز ياسايمىز قەبرىلەرنى...
ھەم ياسايمىز تۇرمىلارنىمۇ...

ئازات قىل بىزنى
بىزدىكى قورقۇنۇچلۇق مەسىلىلەردىن
يىراق قىل بىزنى
كاللىمىزدىكى ئەپىيۇنلاردىن.

ئۈگەتكىن بىزگە
زېمىنغا ئىگە بولۇش ئۇسۇلىنىمۇ،
ھەم ئايرىلماسلىقنى ۋەتەن ھەسرىتىدىن...

ئەي سۆيۈملۈك بالىلار
سالام سىلەرگە...
ئاللاھ تىلىكىڭلارنى ئىجابەت قىلسۇن
ياسىمەن گۈلى
پۇرۇخ ھىدى قاپلىغان زېمىندىن ئۈنسۇن
زاھىر بولسۇن ئالدىڭلاردا
يارىمىزدا ئۆستۈرۈلگەن خۇشبۇي ئەتىرگۈل...

بۇ خاتىرە دەپتەر ۋە رەڭ ئىنقىلابىدۇر...
مېلودىيەگە ئايلانغان
ئېغىزىمىزنىڭ ئۇچىدىلا...

ئاتا قىل بىزگە
جەسۇر يىگىتلەرنى، غۇرۇرىمىزنىمۇ
بەتبەشرىلىكنى يۇيىۋەت بىزدىن
پاكلىغىن بىزنى

ئالۋاستىلارنىڭ ئەپسۇنىدىن قورقماڭلار ھەرگىز...
ھاياتلىق ھىچقاچان بولماس بەدەلسىز

يەھۇدىينىڭ زامانى بۇ دەپ
ئارزۇيىڭلار كەتمىسۇن قۇرۇپ.
دۈشمىنىڭلار غۇلايدۇ بىر كۈن...
بىز ھامىنى ياشايمىز كۈلۈپ...

ئەي غەززەنىڭ ساراڭلىرى
ھەممىڭلارغا مەرھابا
ساراڭلىقىڭلاردىن
كېلىپ قالسا ناۋادا بىزگە ئەركىنلىك

سىياسىينىڭ ئەقىلگە مۇۋاپىق بولىشى
ئاتام زامانىسىدا ئۆتۈپ كەتكەن ئىش
ئۆگىتىڭلار بىزگە ساراڭ بولۇشنى

1988 - يىل

ئىنگلىزچىدىن تۇنيۇقۇق79 تەرجىمە قىلغان.

مەنزىل
http://asrim.cn/ShowPost.asp?ThreadID=1279