پەلەستىن - ئىسرائىلىيە تىنچلىقىنى قوللايمەن

پەلەستىن - ئىسرائىلىيە تىنچلىق مۇساپىسىنى قوللايمەن


ۋاقتى : 2008-11-21


پەلەستىن ئىسرائىلىيەدە «ئەرەپ تىنچلىق تەشەببۇسى»نى تەشۋىق قىلدى.


پەلەستىن مىللى ئازادلىق تەشكىلاتىنىڭ باش كاتىپى رابۇ 20- نويابىر مۇنداق دىدى:
پەلەستىن ئىسرائىلىيەدە ئىبراي تىلىدا چىقىدىغان ئۈچ چوڭ گېزىتكە ئېلان بېرىپ، ئىسرائىلىيە خەلقىنى «ئەرەپ تىنىچلىق تەشەببۇسى»نى قوللاشقا چاقىردى.
رابۇ يەنە مۇنداق دىدى:
پەلەستىن بىلەن ئىسرائىلىيە ئارىسىدىكى تىنچ ھەل قىلىش لاھىيىسى ئىسرائىلىيەنىڭ ئىشغال قىلىۋالغان ئەرەپ زىمىنىدىن چىكىنىشىنى ئالدىنقى شەرت قىلىدۇ. پەقەت مۇشۇنداق بولغاندىلا ئەرەپ ئەللىرى ئاندىن ئىسرائىلىيە بىلەن نورمال مۇناسىۋەت ئورنىتالايدۇ.


ئىسرائىلىيە غەززە چىگرىسىنى ئېچىۋېتىشنى رەت قىلدى.


ئىسرائىلىيە دۆلەت مۇداپىئە مىنىستىرى باراك تۈنۈگۈن غەززە چىگرىسىنى ئېچىۋېتىش تەلىپىنى رەت قىلىپ مۇنداق دىدى:
چىگرا ئېغىزىنى ئېچىۋېتىشنىڭ ئالدىنقى شەرتى ــ ۋەزىيەتنى تىنىچلاندۇرۇش.
ئانالىزچىلار مۇنداق دىيىشىتى:
بۇ ئىسرائىلىيەنىڭ پەلەستىن قوراللىق كۈچلىرىنىڭ ئۇدا نەچچە كۈن داۋاملاشقان راكىتا ھۇجۇمىغا بەرگەن جاۋابى.
بۇ ھال ئىسرائىلىيە بىلەن پەلەستىن قوراللىق كۈچلىرى ئىمزالىغان ئۇرۇش توختىتىش كىلىشىمىنىڭ قۇرۇق قەغەزگە ئايلىنىپ قالغانلىقىنى، ھەر ئىككىلا تەرەپنىڭ ئۇنىڭدىن ۋاز كەچمەكچى بولغانلىقىنى بىلدۈرىدۇ. بىراق ھازىرچە ھىچقايسىسى بۇ خىيالىنى بىلدۈرۈشكە ئالدىرماسلىقى مۇمكىن.


ئوباما: «پەلەستىن - ئىسرائىلىيە تىنچلىق مۇساپىسىنى قوللايمەن» دىدى


ئامىرىكا مۇۋەققەت زۇڭتۇڭى ئوباما ئالدىنقى كۈنى پەلەستىن مىللى ھاكىمىيەت ئاپاراتىنىڭ رەئىسى ئابباس بىلەن تىلىفۇندا سۆزلىشىپ، پەلەستىن ۋە ئىسرائىلىيە تىنچلىق سۆھبىتىنى داۋاملىق قوللايدىغانلىقىنى بىلدۈرگەن ئىدى.
پەلەستىننىڭ باش سۆھبەت ۋەكىلى ئېرىكات تۈنۈگۈن مۇنداق دىدى:
ئوباما پەلەستىن ۋە ئىسرائىلىيە بىلەن ھەمكارلىشىشقا، پەلەستىن بىلەن ئىسرائىلىيەنىڭ تىنچ بىللە تۇرىدىغان ئىككى دۆلەت لاھىيەسىنى ئەمەلگە ئاشۇرۇشقا، پەلەستىن دۆلىتىنى قۇرۇش مۇساپىسىنى قىسقارتىشقا ۋەدە بەردى

كەچلىك گېزىت خەۋەرلىرى

مەنبە
http://bbs.salkin.cn/read.php?tid=46490