Isra'iliye bash ministiri olmirt qandaq adem?

Isra'iliye bash ministiri olmirt qandaq adem?


Isra'iliye bash ministirining para élish délosi néme üchün mushu waqitta ghulghula qilinidu?


2008- 06- 13 11:43 «shinjang xelq radi'o istansisi»


Isra'iliye zunglisi olmértning para élish délosi yéqindin buyan dölet ichi, sirtidiki axbarat wastilirining déqqitini tartti.
Eng yéngi xelq rayini tekshürüshte körsitilishiche, 70 pirsent isra'iliyilik olmértning istépa bérishini telep qilghan.
Öktichiler uning uda saqchilar teripidin tekshürülüp, inawitining tökülüp, hakimiyet yürgüzüsh salahiyitining qalmighanliqini eyiplidi.
Dölet mudapi'e ministiri, ishchilar partiyisining re'isi barak 2008 - yili 5 – ayning 28 – küni ashkare jeng élan qilip, «olmért para aldi dep tekshüriliwatqanda zungliliq wezipisini ötise bolmaydu, choqum wezipisidin ayrilishi yaki istépa bérishi kérek, bolmisa ishchilar partiyisi ichki kabénttin chékinip, muddettin burun saylam élip baridu» dédi.
Hetta olmértning küchlük yardemchisi, ilgirlesh partiyisidiki ikkinchi nomurluq shexs, birinchi mu'awin zungli, qoshumche diplomatiye ministiri réfnimu (bezide bu isim ‹léwni› depmu éliniwatidu) 2008 - yili 5 –ayning 29 – küni olmértni ashkare qistap, ilgirlesh partiyisining zungli izbasarini aldin saylishini murajet qildi.

Bu yil 63 yashqa kirgen olmért 28 yéshida lowér xo'us goruhini qurushqa qatnashqan, shu yili eng yash parlamént ezasi bolghan, irusalim sheher bashliqi qatarliq wezipilerni ötigen, u sharonning yéqin ittipaqdishi. 2005 – yili 11 – ayda, sharon bir tereplik tinchliq pilanini yolgha qoyush üchün, öz qoli bilen qurghan lowér xo'us goruhidin chékinip, ilgirlesh partiyisini teshkillidi, olmért bashlamchiliq bilen sharun'gha egeshti. 2006 – yili 1 – ayda, sharun'gha shamal tégip, olmirt wakaliten zungli, ilgirlesh partiyisining re'isi boldi, 5 – ayda isra'iliye 31 – nöwetlik hökümitining bashliqi boldi.

Olmért köp qétim chiriklishish délosi boyiche tekshürüldi, emma axiri yenila uning chirikleshkenliki ispatlanmidi. 2006 – yili munasiwetlik terepler olmértni «bir yürüsh turalghu öyni erzan bahada sétiwaldi, sharunning para élish dilosigha chétilip qaldi» dep eyiplidi. Bultur (2007 - yili) 10 – ayda u yene wakaliten maliye ministiri bolghanda «xelq bankisini puqrawilashturushta öz kömichige chogh tartti» dep eyiplendi.

Olmért isra'iliye – pelestin tinchliqini aktip algha siljitquchi tinchliqperwer, uning zungtung bush bilen bolghan shexsi munasiwiti nahayiti yaxshi, ikkisining isra'iliye –pelestin tinchliq söhbitige bolghan qarishi birdek. Bush bu yilning béshida isra'iliyini ziyaret qilghanda kishilerni olmértni qollashqa dewet qilip, bu yilning axiri isra'iliye - pelestin tinchliq kélishimini imzalaydighanliqini jakarlighan édi.

Isra'iliye – pelestin tinchliq söhbitining algha siljishigha egiship, türkiyening dewet qilishi bilen süriye bilen bolghan söhbet golan igizlikige qaytti, bu xil ikki liniyilik tinchliq söhbiti dölet ichidiki ong qanattikilerning ghezipini qozghidi. Sha'as partiyisi «eger hökümet pelestin bilen tinchliq kélishimi imzalisa, özlirining ichki kabinttin chékinip chiqidighanliqini» jakarlidi. Shuning bilen 4 – aydin buyan, axbarat wastiliri olmértni «para aldi» dep ashkarilashqa bashlidi, hetta uning ayalining amérikida resim körgezmisi ötküzgen mezgilde hökümetning 10 dane konwértini ishlitip teklipname ewetkenlikimu ashkarilandi.

Olmért buninggha küchlük inkas qayturdi, u özining ilgiri amérikiliq yehudiy sodiger talaniskining saylam riqabiti i'anisini qobul qilghanliqini iqrar qildi, emma u pullarning saylam riqabitige ishlitilgenlikini, pulning birdek qanun boyiche adwokat arqiliq tapshurghanliqini, özining ezeldin para almighanliqini, shexsi bir pungmu almighanliqini eskertti. U istépa bérishni ret qildi, yene «tekshürüsh netijisi yaman gherezlik, exlaqsiz éghizlarni choqum yapidu» dédi. Eger para aldi dep erz qilinsa wezipisidin ayrilish arqiliq özining pakliqini ispatlaydighanliqini eskertti.

Isra'iliye saqchiliri olmértning irusalim sheher bashliqi we maliye ministiri bolghandiki ishxanisini tuyuqsiz tekshürdi. 5– ayning 27 – küni, talaniski irusalim sot mehkimiside tunji qétim guwahliq bérip, «1992 – yilidin 2005 –yilighiche bolghan 13 yilda, olmértqa arqa – arqidin 150 ming amérika dolliri neq pul bergenlikini, bu pullarning bir qisimining siyasiy xaraktérlik jughlanma meblegh ikenlikini, bezilirining qerzge bérilgen pullar ikenlikini éytti», u yene «olmért dangliq markiliq mehsulatlar we aliy derijilik méhmanxanilargha amraq» dédi. Shuning bilen jama'et pikiri bir tepke éghishti.

Nöwette hakimiyet yürgüzgüchi ittipaq parlaméntta 67 orunni igileydu, eger 19 orun'gha ige ishchilar partiyisi hakimiyet yürgüzgüchi ittipaqtin chékinse, olmért hökümiti ghulap chüshidu.
Mol tejribilik olmért bu qétim kirzisni yene hel qilalamdu?
Bu kishiler omumiyüzlük déqqet qilidighan mesilige aylandi.
Eger olmért mejburi istépa berse, ottura sherq tinchliq söhbitining kelgüsi téximu murekkep we mölcherlesh qiyin bolidu.


Menzil
http://palastinbiz.Blogspot.Com/
********************************