غەززە ئۇرۇشى ئوباماغا پۇرسەت يارىتىپ بەردى
2009-01-11 12:47 «شىنجاڭ خەلق رادىئو ئىستانسىسى»
نۆۋەتتە ئېلىپ بېرىلىۋاتقان غەززە ئۇرۇشى ئىسرائىلىيە بىلەن ئەرەب ئەللىلىرىنىڭ قارشىلىشىش كۈچىنى يەنە بىر قېتىم نامايەن قىلدى. شۇنداقلا يېڭىدىن ئامېرىكا زۇڭتۇڭى بولۇپ سايلانغان ئوبامانى پايدىلىق پۇرسەت بىلەن تەمىنلىدى.
ئەگەر ئوباما مۇشۇ پۇرسەتنى چىڭ تۇتۇپ، مەڭگۈلۈك تىنچلىق يولىنى بەرپا قىلالىسا، ئۇنداقتا بۇ ئۇنىڭ ئۈچۈن دىپلۇماتىيە سىياسىتىنىڭ غەلبە ئۇل تېشىنى سالغان بىلەن باراۋەر.
ئەمما ئومابا ناۋادا پۇرسەتنى كەتكۈزۈپ قويسا، بۇ رايوندا تىنچلىقنى ئىشقا ئاشۇرۇدىغان ئاخىرقى بىر قېتىملىق پۇرسەتنى كەتكۈزۈپ قويغان بولىدۇ. ھالبۇكى بۇ رايوننىڭ تىنچلىقى پۈتۈن خەلقئارا جەمئىيەتنىڭ مۇقىملىقى بىلەن زىچ مۇناسىۋەتلىكتۇر.
خەتەر ئاستىغا يوشۇرۇنغان پۇرسەتنى مۇنداق بىر ھەقىقەت ۋۇجۇتقا چىقارغان.
يەنى، مەيلى ئىسرائىلىيە ياكى پەلەستىن بولسۇن، ئايىقى ئۈزۈلمەس ئۇرۇشقا بەرداشلىق بېرەلمەيدۇ.
غەززە رايونىنىڭ نۆۋەتتىكى ۋەزىيەتتىكى ھاياتلىق تەرەققىياتى كىشىنى ئەندىشىگە سالىدۇ.
غەززە رايونى دۇنيادىكى نوپۇسىنىڭ ئېشىش سۈرئىتى ئەڭ تېز رايوننىڭ بىرى ھېسابلىنىدۇ.
نۆۋەتتىكى 1 مىليون 500 مىڭ نوپۇسنىڭ ئۈچ دىن ئىككى قىسمى كەمبەغەللەر،
تەخمىنەن يېرىمدىن كۆپرەك ئاھالە ئىشسىز.
ئىسرائىلىيىنىڭ كەلگۈسى تەرەققىياتىمۇ مۈجىمەل.
ئىسرائىلىيىنىڭ غەززە رايونىغا قارىتا ئېلىپ بارغان ھەربىي ھەرىكىتى— پەلەستىن ئىسلام قارشىلىق كۆرسىتىش ھەرىكىتى - «خاماس»نىڭ ئىسرائىلىيىگە كاتيۇشا بىلەن ئىغۋاگەرلىك قىلغانلىقىغا ئىنكاس قايتۇرۇشى ھېسابلىنىدۇ.
ئەمما، غەززا رايونىدىكى «خاماس»تىن سىرت ئىسرائىلىيە يەنە قوراللىنىشى خىل لىۋان ئاللاھ پارتىيىسىگە تاقابىل تۇرۇشى كېرەك.
بۇنىڭدىن سىرت، ئىسرائىلىيە ئۈچۈن ئېلىپ ئېيتقاندا، مەملىكەت ئىچىدىكى نوپۇس ئىستاتىستىكىسى سانلىق مەلۇماتىدا كۆرسىتىلگەن يۈزلىنىشمۇ ئېغىر بېسىم ھېسابلىنىدۇ،
يەھۈدىلار ئادەم سانىدا قارشى تەرەپنى بېسىپ چۈشۈش ئەۋزەللىكىگە ئىگە ئەمەس.
پەلەستىن–ئىسرائىلىيە تىنچلىقنى ئىشقا ئاشۇرالمىسا، ئىسرائىلىيە ئۆزىنىڭ يەھۇدى دۆلىتى بولۇش ئالاھىدىلىكىنى ئۇزاققىچە ساقلىيالمايدۇ،
بولۇپمۇ بۇ دۆلەتتىكى ئەرەبلەرنىڭ نوپۇسى ئاشقاندا، خىرىس تېخىمۇ گەۋدىلىنىدۇ.
ھالقىلىق نۇقتا—پەلەستىن بىلەن ئىسرائىلىيە ئوتتۇرىسىدىكى بۇ ئۇرۇشتا مەيلى قايسى تەرەپ بولسۇن مۇتلەق غەلبە قىلغۇچى بولالمايدۇ.
يەھۇدىلار ھەرگىز دېڭىزغا قوغلىۋېتىلمەيدۇ،
ئەگەر ئىسرائىلىيە غەلبە قازىنىمەن دەيدىكەن، سىياسىي، ھەربىي ۋە ئەخلاق جەھەتتە تەسەۋۋۇر قىلغۇسىز بەدەل تۆلىشى كېرەك.
بۇ نۇقتىدىن ئېيتقاندا، بۇ ئايىقى چىقمايدىغان كۈرەشنىڭ ھىچقانداق ئەھمىيىتى يوق.
ئەمما ھازىر ئىككىلا تەرەپ يول قويۇش مۈمكىنچىلىكىنى ئويلاشنى خالىمايۋاتىدۇ.
ئوباما ئۆزىدىن ئىلگىرىكى ھەر بىر سابىق زۇڭتۇڭغا ئوخشاش مەملىكەت ئىچىدە كۈچلۈك مەسلىھەتچىلەر گۇرۇھىغا يۈزلىنىدۇ.
بۇ مەسلىھەتچىلەر گۇرۇھى ھەمىشە ئىسرائىلىيىگە يان باسىدىغان بولغاچقا، مۇقەررەر بۇ رايوندا نارازىلىق پەيدا قىلىدۇ.
ئەمەلىيەتتە، پەلەستىن-ئىسرائىلىيە مەسىلىسىدە، نۇرغۇن تەكلىب، قارشى تەدبىرلەر ئوتتۇرىغا قويۇلغان، ھازىرقى مەسىلە ئوبامانىڭ يەنە باشقا ئامالىنىڭ بار-يوقلىقىدا.
بۇ مەسىلىدە، ئامېرىكىنىڭ سابىق زۇڭتۇڭى كات بىلەن قېرى بۇشنىڭ باسقان يولى مەلۇم خىل مۈمكىنچىلىكنى نامايەن قىلىدۇ. كات ئىلگىرى مىسىر – ئىسرائىلىيىنىڭ ئوتتۇرا شەرق تىنچلىق سۆھبىتىدە مۇھىم ئەھمىيەتكە ئىگە «دەۋىد لاگىرى كېلىشىمى»نىڭ ئىمزالىنىشىنى ئىلگىرى سۈرگەن؛
قېرى بۇش پارىس قولتۇقى ئۇرۇشىدىن كېيىن، ئىسرائىلىيە بىلەن ئەرەب قوشنا دۆلىتىنىڭ مادرىد سۈلىھ كېڭىشىنى مۇۋەپپەقىيەتلىك ئىلگىرى سۈرۈپ، ئاخىرىدا پەلەستىن بىلەن ئىسرائىلىيە «ئوسلو كېلىشىم» ئىمزالىغان.
ئوباما ئۈچۈن ئېلىپ ئېيتقاندا، بۇ قېتىملىق غەززا ئۇرۇشىنى بىر ياخشى پۇرسەت دىيىشكە بولىدۇ. ئەگەر ئۇ بۇ پۇرسەتتىن ياخشى پايدىلىنالىسا، ئىسرائىلىيە بىلەن پەلەستىنگىلا ئەمەس، پۈتۈن دۇنياغا مۇناسىۋەتلىك ئىسلاھات خاراكتېرلىك نەتىجە بارلىققا كېلىشى مۈمكىن.
مەنزىل
http://palastinbiz.blogspot.com/
没有评论:
发表评论