ئىسرائىلىيە بىلەن خاماس ئۇرۇش توختىتىدىغانلىقىنى جاكارلىدى

ئىسرائىلىيە بىلەن خاماس ئۇرۇش

توختىتىدىغانلىقىنى جاكارلىدى

ئىسرائىلىيە ئارمىيىسى غەززەدىن چېكىنىشكە باشلىدى


2009-01-19 «تەڭرىتاغ تورى»


«جۇڭگو ئاخبارات تورى» 19 – يانۋار تېلېگراممىسى:
ئىسرائىلىيە ئارمىيىسى غەززە رايونىدا 20 كۈندىن ئارتۇق ھەربىي ھەرىكەت ئېلىپ بارغاندىن كېيىن، ئىسرائىلىيە ۋە پەلەستىن ئىسلام قارشىلىق كۆرسىتىش ھەرىكىتى-«خاماس»نى ئۆز ئىچىگە ئالغان پەلەستىندىكى قوراللىق گۇرۇھلار ئىلگىرى – كېيىن بولۇپ، ئۇرۇش توختىتىدىغانلىقىنى جاكارلىدى. ئۇرۇش توختىتىلغان شۇ كۈنى، ئىسرائىلىيە ئارمىيىسى غەززەدىن چېكىنىشكە باشلىدى.


ئىسرائىلىيە بىلەن «خاماس» ئارقا – ئارقىدىن
ئۇرۇش توختىتىدىغانلىقىنى جاكارلىدى

ئىسرائىلىيە زۇڭلىسى ئولمېرت شۇ جاي ۋاقتى2009 - يىلى 17 – يانۋار كەچ ئاخبارات ئېلان قىلىش يىغىنىدا مۇنۇلارنى جاكارلىغان:
ئىسرائىلىيە ئارمىيىسى غەززە رايونىدا ئېلىپ بارغان ھەربىي ھەرىكىتىدە «خاماس»نى ئېغىر مەغلۇپ قىلىپ، «قوغۇشۇپ قۇيۇش ھەرىكىتى»دە كۆزلىگەن نىشانغا تولۇق يەتتى. ئىسرائىلىيە تەرەپ شۇ جاي ۋاقتى 18 – يانۋار سەھەر سائەت ئىككىدىن باشلاپ غەززە رايونىدا ئۆز ئالدىغا (بىر تەرەپلىك) ئۇرۇش توختىتىدۇ. ئۇرۇش توختىغاندىن كېيىن، ئىسرائىلىيە ئارمىيىسى غەززە رايونىدا بىر قانچە كۈن تۇرۇپ قالىدۇ ھەمدە پەلەستىن ئاپتونوم ھۆكۈمىتى بىلەن تىنچلىق مۇساپىسىنى ئىلگىرى سۈرۈش توغرىسىدا داۋاملىق كېڭىشىدۇ.

ئولمېرت 17 – يانۋار مۇنداق دەپ تەكىتلىگەن:
ھازىر ئۇرۇش توختىتىش نىسبەتەن «ئاجىزلىق»، بىراق ئىسرائىلىيە تەرەپ ھەر ۋاقىت غەززە رايونىدىكى ۋەقەلەرنى نازارەت قىلىپ تېزگىنلىيەلەيدۇ. ئەگەر پەلەستىندىكى قوراللىق گۇرۇھلار داۋاملىق ھۇجۇم قىلسا، ئىسرائىلىيە تەرەپنىڭ قايتۇرما زەربە بېرىش ھوقۇقى بار بولۇپ، قايتا ھەربىي ھەرىكەت ئېلىپ بېرىشى مۇمكىن.

18 – يانۋار كەچ ، «خاماس»نى ئۆز ئىچىگە ئالغان پەلەستىندىكى ھەر قايسى قوراللىق گۇرۇھلار ئىسرائىلىيە بىلەن بولغان ئۇرۇشنى بىر ھەپتە توختىتىدىغانلىقى بىلدۈردى ھەمدە ئىسرائىلىيىنىڭ بۇ بىر ھەپتە ئىچىدە غەززەدىن ئەسكەرلىرىنى قايتۇرۇپ كېتىشنى تەلەپ قىلدى.

ئىسرائىلىيە قۇرۇقلۇق قىسىملىرى غەززەنىڭ جەنۇبىدىن چېكىندى



ئىسرائىلىيە تانكىلىرى غەززەدىن چېكىنىشكە باشلىدى

ئەينى ۋاقىتتا ئىسرائىلىيە ئۇرۇش توختىتىدىغانلىقىنى جاكارلىغاندا ۋاقتىنچە ئەسكەر چېكىندۈرمەيدىغانلىقىنى بىلدۈرگەن. لېكىن ئىسرائىلىيە ئارمىيىسى 18 – يانۋار كەچتىن باشلاپ غەززەدىن ئەسكەر چېكىندۈرۈشكە باشلىغان بولسىمۇ، قانچىلىك ئەسكەر چېكىندۈرىدىغانلىقىنى ئاشكارلىمىغان.

غەززەدىكى نەق مەيداندا كۆرگۈچىلەرنىڭ ئېيتىشىچە، 18 – يانۋار كەچتىن باشلاپ، ئىسرائىلىيە قۇرۇقلۇق قىسىملىرى غەززەنىڭ جەنۇبىدىن ئەسكەر چېكىندۈرۈشكە باشلىغان. شۇ كۈنى ئىسرائىلىيە ئارمىيسىىنىڭ 10 غا يېقىن تانكا ۋە برونىۋېكى غەززەنىڭ جەنۇبىدىن چېگرا تەرەپكە قاراپ چېكىنگەن. بۇنىڭدىن باشقا يەنە ئىسرائىلىيە قۇرۇقلۇق قىسىملىرىمۇ غەززە شەھىرىدىن چېكىنىشكە باشلىغان.



ئىسرائىلىيە ئەسكەرلىرى غەززەدىن چېكىنمەكتە


كۆپ دۆلەت باشلىقلىرى مىسىرغا جەم بولۇپ،

غەززە ۋەزىيىتىنى مۇھاكىمە قىلدى


مىسىر ئېچىشنى تەشەببۇس قىلغان كۆپ دۆلەت باشلىقلىرى يىغىنى2009 - يىلى 18 – يانۋار مىسىردىكى قىزىل دېڭىز شەھىرى شامشېيىخ
(Sharm el Sheikh)
دا باشلاندى.
يىغىندا باشلىقلار نۆۋەتتىكى غەززە ۋەزىيىتىنى مۇزاكىرە قىلدى.

مىسىر زۇڭتۇڭى مۇبارەك بىلەن فرانسىيە زۇڭتۇڭى ساركوزى يىغىنغا ئورتاق رىياسەتچىلىك قىلدى.

مۇبارەك باشلىنىش مۇراسىمىدا سۆز قىلىپ مۇنداق دېدى:
غەززەدە ئۇرۇش توختاپ، غەززە ۋەزىيىتىدە يېڭى بۆسۈش بارلىققا كەلگەن بولسىمۇ، بىراق ئىككى تەرەپ يەنىلا ھەر قايسى تەرەپنىڭ ئاكتىپ كېلىشتۈرۈشىگە مۇھتاج.
بىر قاتار مۇھىم مەسىلىلەر، مەسلەن،
ئىسرائىلىيىنىڭ غەززەدىن ئەسكەر چېكىندۈرۈشى،
غەززە ۋەزىيىتىنىڭ تىنچلىقىنى ئەسلىگە كەلتۈرۈش،
غەززە پورتىنى ئېچىۋېتىش قاتارلىقلار
ھەر قايسى تەرەپنىڭ ئاۋۋالقىدەكلا ئورتاق تىرىشىپ ھەل قىلىشىغا مۇھتاج .

ساركوزى مۇنداق دېدى:
ئەگەر غەززە رايونىدىكى پەلەستىن قوراللىق گۇرۇھلار ئىسرائىلىيىگە راكېتا قويۇپ بېرىشنى توختاتسا، ئىسرائىلىيە غەززەدىن ئەسكەرلىرىنى قايتۇرۇپ كېتىشى كېرەك.
يىغىنغا، ب د ت نىڭ باش كاتىپى بان كىمون، ئەرەب ئەللىرى ئىتتپاقىنىڭ باش كاتىپى مۇسا، ئىئوردانىيە، تۈركىيە، گېرمانىيە، ئىتالىيە، ئەنگلىيە، ئىسپانىيە قاتارلىق دۆلەتلەرنىڭ رەھبەرلىرى ھەمدە پەلەستىن مىللىي ھوقۇقلۇق ئورگىنىنىڭ رەئىسى ئابباس قاتارلىقلار قاتناشتى.

ئىسرائىلىيە ئارمىيسىىنىڭ ھەربىي ھەرىكىتىدە 1300 پەلەستىنلىك قازا قىلدى
ئىسرائىلىيە ئارمىيسىى بۇلتۇر، يەنى 2008 - يىلى 27 – دېكابىر غەززە رايونىدا «قوغۇشۇن قويۇش ھەرىكىتى»نى قوزغىغاندىن باشلاپ، ھازىرغا قەدەر 1300 پەلەستىنلىك قازا قىلغان، 5500 دىن ئارتۇق پەلەستىنلىك يارىلانغان.

مەنزىل
http://palastinbiz.blogspot.com/