كۆز يىشىدا يېتىلمەكتە غەززە ئۆزى

كۆز يىشىدا يېتىلمەكتە غەززە ئۆزى!


بارچە ئىنسان ئاكا-ئۇكا، قان - قېرىنداش،
ئەرزىمەيدۇ تالاش-تارتىش، تۆككەن قانلار.
مېھىر-شەپقەت، مۇھەببەتكە خاس يۈرەكلەر،
ئەمدىلىكتە ئۆز ئەسلىنى ئۇنتىغانلار،
بىخۇدلۇقنى قان تۆكۈشكە ئايلاندۇرۇپ،
كۆز يىشىدا يېتىلمەكتە غەززە ئۆزى!

كۆمۈلسىمۇ لەھەتلەرگە كۆيگەن تەنلەر،
كۆمۈلمەيدۇ شەھىدلەرنىڭ ياڭراق ئۈنى.
ئاجىزلارنىڭ روھىغا كۈچ ئاتا قىلار
شەھىدلەرنىڭ ئادالەتنى كۈيلىگىنى.
شەھىدلىكنى ئىزدەپ يۈرەر ئويغاق جانلار،
كۆز يىشىدا يېتىلمەكتە غەززە ئۆزى!

نارەسىدەلەر بومبىلاردا كۆيۈپ كەتتى،
بۇ جاھاننىڭ خۇۋلۇقىنى كۆرمەي كەتتى.
ھىچ كىشىگە ئالايتماستىن كۆزلىرىنى،
سەبىيلىكنى، تەبەسسۇمنى ئېلىپ كەتتى.
ئاتىلارنىڭ يۈرىكىنى ياشلىغانلار...
كۆز يېشىدا يىتىلمەكتە غەززە ئۆزى!

ئانىلارمۇ «بار بالام» دەپ پەرزەنتىنىڭ
ئاتاكىغا ئۆتۈشىگە مەدەت بەردى،
جوھۇتلارنىڭ مىلتىقىغا تەڭلەپ كۆكرەك،
غەزەپلەرگە يۈرىكىدىن ئورۇن بەردى.
كۈنى تۇغار ئادالەتنى قوللىغاننىڭ،
كۆز يىشىدا يىتىلمەكتە غەززە ئۆزى!

«تارت! قولۇڭنى، بولدى بەس» دەپ بارچە ئىنسان،
نىدا قىلسا سۆزلىرىنى ئىنكار قىلدى.
تىنچلىقنىڭ بايرىقىنى يىرتىپ تاشلاپ،
كۈيۈنگەنلەر يۈرىكىنى لەختە قىلدى.
كۆر ئىپلاسلار، مۇشت تۈرىدۇ خارلانغانلار،
كۆز يېشىدا يىتىلمەكتە غەززە ئۆزى!

بەر قولۇڭنى، يۈرىكىدە ئوتى بارلار،
تىنىمىزدىن بار قىلايلى توساق تاملار،
ئوق ئۇرسىمۇ بىزنى ئۇرسۇن، كۈلسۇن جانلار،
شوخ ئوينىسۇن مەھەللىدە سەبىي بالىلار،
چۈنكى بالا - بۇ دۇنيانىڭ پاك كۈلكىسى،
كۆز يىشىدا يېتىلمەكتە غەززە ئۆزى!

مەنبە: «ھېسداشلىق خاتىرىلىرى»
(بۇ شېئىرنى «سەلكىن»دىكى ‹فاتاخ› يوللىغان)

مەنزىل
http://palastinbiz.blogspot.com/