Isra'iliyening urush toxtitish sherti

olmért urush toxtitish shertini otturigha qoydi


2009- 01- 08 11:58 shinjang géziti


Isra'iliye armiyisi 2009 - yili 6 – yanwar déngiz, quruqluq, hawadin ghezze rayonigha dawamliq hujum qildi, isra'iliye armiyisining bashqurulidighan bombisi b d t apparati ghezzede qurghan bir mektepke chüshüp, 40 kishi qaza qildi. Isra'iliye zunglisi olmért isra'iliyining ikki sherti qandurulsa urush toxtitidighanliqini éytti. Isra'iliye armiyisining ghezze rayonidiki herbiy herikitining téximu küchiyishige egiship, bu rayondiki insanperwerlik krizisi dawamliq éghirlashti.

Isra'iliye armiyisi 6 – yanwar ghezze rayonining shimaliy qismigha jaylashqan jabaliye musapirlar lagéridiki b d t apparati qurghan bir mektepke hujum qildi, hujumda 40 kishi qaza qildi. Weqeni körgüchilerning éytishiche, pelestin qoralliq xadimliri bu mektepke yéqin jaydin jabaliye musapirlar lagérining shimalidiki isra'iliye qisimlirigha minamiyot atqan, arqidin isra'iliye armiyisining küreshchi ayropilanliri bu mektepke hujum qilghan.

Isra'iliye zunglisi olmért 6 – yanwar jenubtiki rayonlarni közdin köchürgende, hazirqi urushning qanche baldur ayaghlashsa shunche yaxshi bolidighanliqini, özining nurghun dölet rehbiri bilen alaqiliship, ghezze rayoni weziyitini diplomatiye yoli arqiliq hel qilish layihisi üstide izdiniwatqanliqini éytti.

Olmért shu küni yawropa ittipaqi wekiller ömiki otturigha qoyghan insanperwerlik yüzisidin 48 sa'etlik urush toxtitish teklipini ret qildi. U mundaq dédi: ikki shertimiz qandurulsa andin herbiy heriketni toxtitimiz: biri, misir bilen ghezze rayoni arisidiki qoral – yaragh etkeschiliki toxtitilishi kérek; Yene biri, pelestin qoralliq teshkilatliri isra'iliyige qaritilghan her qandaq shekildiki hujumni toxtitishi kérek.

Olmért 5 – yanwar kéchide fransiye zungtungi sarkozi bilen söhbetleshkende mundaq dédi: isra'iliye bu qétimqi heriketke cheklik nishan békitken, yeni ilgiri hemishe ghezze rayonidiki qoralliq teshkilatlarning rakéta hujumigha uchrawatqan jenubtiki rayonlarning bixeterlik ehwalini özgertish, «xamas»ning isra'iliyige hujum qilishini toxtitipla qalmastin, «xamas»ni buningdin kéyinmu isra'iliyige hujum qilalmaydighan qilishqa kapaletlik qilishtin ibaret. Gerche isra'iliyining pelestindiki islam qarshiliq körsitish herikiti(xamas)ni yoqitiwétish iqtidari bolsimu, biraq bu, bu qétimqi heriketning nishani emes.

Uningdin bashqa, pelestin télégraf shirkiti 6 – yanwar élan qilghan bayanatta éytilishiche, bu shirketning ghezze rayonidiki alaqilishish esliheliri éghir buzghunchiliqqa uchrighan. Hazir, ghezzediki yan téléfon torining %90 i we köp qisim muqim téléfon mulazimiti palech halgha chüshüp qalghan. Hujumning küchiyishige egiship, bu shirketning ghezze rayonidiki génératorigha kéreklik yéqilghumu tügey dégen. Ghezze rayonining sirt bilen bolghan alaqisimu 48 sa'et ichide üzülüp qélishi mumkin iken.

Shinxua agéntliqi

Menbe:
Http://www.Xjtsnews.Com/normal/content/bak/news/content/2009-01/08/content_142721.Htm