تىنچلىق ئۈچۈن ئۇرۇشنى توختىتىش كىرەك

ئىسرائىلىيە بىلەن پەلەستىن قوشنا، قارشى تەرەپنى يېنىدىن كەتكۈزۈۋېتىشكە ھېچقايسىسىنىڭ ئىلاجى يوق، قارشى تەرەپ بىلەن تىنچ ئۆتۈشكە تىرىشىش ۋە ئالاقە جەريانىدا تەدرىجىي ئىشەنچ تۇرغۇزۇش بىردىنبىر مۇۋاپىق تاللاش. پەقەت ئۆزئارا ئىشەنگەن ۋە ئۆزئارا يول قويغاندا، قانلىق توقۇنۇشتىن يىراقلاشقاندىلا، ئۇزاق مۇددەتلىك تىنچلىق ۋە خاتىرجەملىككە ئېرىشكىلى بولىدۇ

غەززەدىكى ئۇرۇشنى توختىتىش كىچىكسە بولمايدۇ


ئىسرائىلىيەنىڭ غەززەگە زور كۆلەملىك ھەربىي ھۇجۇم قوزغىغىنىغا ئون كۈن بولدى.
2008 - يىلى 27 - ئۆكتەبىردىن 2009 - يىلى 7- يانۋارغىچە، توقۇنۇشتا 660 دىن كۆپ كىشى قازا قىلدى، 3100 دىن كۆپ كىشى يارىلاندى.
بارغانسېرى كەسكىنلىشىۋاتقان قانلىق توقۇنۇش بىگۇناھ پۇقرالارغا ئاپەت ئېلىپ كېلىپ، ئېغىر ئىنسانپەرۋەرلىك كرىزىسى پەيدا قىلدى.
ھازىرقى جىددىي ۋەزىپە توقۇنۇشۇۋاتقان ئىككى تەرەپنى ئۇرۇشنى توختىتىپ، مەسىلىنى سىياسىي يول بىلەن ھەل قىلىشقا ئۈندەش. بۇ قېتىمقى توقۇنۇشتا غەلىبە قىلغۇچىنىڭ بولۇشى مۇمكىن ئەمەس.

تارىخىي ساۋاقلاردىن مەلۇمكى، زوراۋانلىققا زوراۋانلىق بىلەن جاۋاب قايتۇرۇش مۇقەررەر يامان خاراكتېرلىك ئايلىنىش پەيدا قىلىدۇ. ئۆچ ئېلىش ئۈزلۈكسىز كۈچىيىدۇ، ئۆچمەنلىك داۋاملىق ئۇلغىيىدۇ، ئازاب - ئوقۇبەت مەڭگۈ تۈگىمەيدۇ، بۇ خىل قايتىلىنىش ئوتتۇرا شەرقنىڭ تىنچلىق مۇساپىسىدىكى يامان سۈپەتلىك ئۆسمە بولۇپ قالدى.

ئىسرائىلىيە بىلەن پەلەستىن قوشنا، قارشى تەرەپنى يېنىدىن كەتكۈزۈۋېتىشكە ھېچقايسىسىنىڭ ئىلاجى يوق، قارشى تەرەپ بىلەن تىنچ ئۆتۈشكە تىرىشىش ۋە ئالاقە جەريانىدا تەدرىجىي ئىشەنچ تۇرغۇزۇش بىردىنبىر مۇۋاپىق تاللاش. پەقەت ئۆزئارا ئىشەنگەن ۋە ئۆزئارا يول قويغاندا، قانلىق توقۇنۇشتىن يىراقلاشقاندىلا، ئۇزاق مۇددەتلىك تىنچلىق ۋە خاتىرجەملىككە ئېرىشكىلى بولىدۇ.

ھازىرقى توقۇنۇشنى تېزدىن تىنچىتىشتا خەلقئارا جەمئىيەتنىڭ مۇرەسسە قىلىشىغا توغرا كېلىدۇ.
ئۇرۇشنى توختىتىش ھەم سىياسىي ئارقىلىق ھەل قىلىش يولىغا قايتىدىن مېڭىش خەلقئارا جەمئىيەتنىڭ ئومۇمىي ساداسى.
ئالاقىدار ھەر قايسى تەرەپلەر كېلىشتۈرۈشنى باشلىۋەتتى،
ب د ت خەۋپسىزلىك كېڭىشى جىددىي يىغىن ئاچتى.
تېز ھەم ئۈنۈملۈك مۇرەسسەلەشتۈرۈش ـ توقۇنۇشنىڭ كۈچىيىپ كېتىشى، ئادەم ۋە مال - مۈلۈك زىيىنى ئېغىرلىشىشىنىڭ ئالدىنى ئېلىشقا پايدىلىق.
تىنچلىق ئۈچۈن ئۇرۇشنى توختىتىشنى قەتئىي كېچىكتۈرگىلى بولمايدۇ.

بۇ قېتىمقى ھۇجۇمدا ھەممىدىن ئۇۋال بولغىنى بالىلار...
215 بالا دۇنيانىڭ خوۋلۇق-خۇشلۇقىنى كۆرمەيلا شېھىد بولدى.
95 ئانىمۇ ئۇلارغا قۇشۇلدى


مەنبە
http://bbs.salkin.cn/read.php?tid-52713.html